Sharad Mohol murder : चेहऱ्यावर समाधान अन् निवांतपणा, पोलीस कोठडीत बसलेल्या शरद मोहोळच्या मारेकऱ्यांचे PHOTOS समोर

पुण्यात कुख्यात गुंड शरद मोहोळ याची हत्या करण्यात आल्यामुळे गुन्हेगारी क्षेत्रात खळबळ उडाली आहे. शुक्रवारी दुपारी शरद मोहोळवर त्याच्याच सहकाऱ्याने गोळ्या झाडल्या होत्या. मात्र, पोलिसांनी वेगाने सूत्र फिरवत मारेकऱ्यांना अटक केली आहे. पोलीस कोठडीत असताना आरोपींचे फोटो समोर आले आहे. या फोटोमध्ये आरोपींचे चेहर दिसत आहे.

या प्रकरणात पोलिसांनी गुन्हा दाखल करत आठ आरोपींना अटक केली आहे. शरद मोहोळ याच्या हत्येनं पुण्यात खळबळ उडाली आहे.

गुन्हा दाखल झाल्यानंतर पुणे पोलिसांच्या गुन्हे शाखेने 9 पथकं पुणे ग्रामीण, सातारा आणि कोल्हापूरच्या दिशेने रवाना केली. यादरम्यान पुणे-सातारा रोडवर किकवी-शिरवळ दरम्यान तपासात निष्पन्न झालेल्या संशयीत स्विफ्ट गाडीचा पाठलाग करण्यात आला. यानंतर पोलिसांनी 8 आरोपी, 3 पिस्टल, 3 मॅगझीन, 5 राऊंड आणि दोन चारचाकी गाड्या ताब्यात घेतल्या.

पोलीस कोठडीत असताना आरोपींचे फोटो समोर आले आहे. या फोटोमध्ये आरोपींचे चेहर दिसत आहे. नामदेव कानगुडे हा या हत्येचा मास्टरमाईंड आहे. तर मुन्ना पोळेकर याच्यासह दोन जण या फोटोत दिसत आहे.

मुठा खोऱ्यातील गुन्हेगारी वर्चस्ववादातून शरद मोहोळ याची हत्या झाल्याचं प्राथमिक तपासात समोर आलं आहे. नामदेव कानगुडे हा या हत्येचा मास्टरमाईंड असून अतिशय नियोजनबध्द पद्धतीने मुन्ना पोळेकर याच्यासह दोन जणांना मोहोळच्या टोळीत महिनाभर आधी घुसवण्यात आलं, त्यानंतर ही हत्या करण्यात आली आहे.

मोहोळ याच्यावर पुण्याच्या वैकुंठ स्मशानभूमीत अंत्यसंस्कार करण्यात आले. खबरदारीचा उपाय म्हणून पोलिसांनी वैकुंठ स्मशानभूमीत मोठा फौजफाटा तैनात केला होता.

धक्कादायक म्हणजे शरद मोहोळचा खून करणारा मुन्ना पोळेकर महिन्याभरापासून शरद मोहोळकडेच काम करत होता. टोळीचा सदस्य म्हणून तो त्याच्या सोबत होता. पैशांच्या देवाणघेवाणीतून दोघांमध्ये वाद उडाला होता अशी माहिती समोर आली आहे.

जमिनीच्या वादावरून आठ दिवसांपूर्वी पोळेकर आणि शरद मोहोळ याची बाचाबाची झाली होती, अशीही माहिती या प्रकरणात समोर आली आहे.