9741700000... IPL ठरतीये BCCI साठी सोन्याचं अंडं देणारी कोंबडी, पाहा किती मिळतात पैसे?

बीसीसीआयला सोन्याचे दिवस आहे ते आयपीएल सुरू झाल्यापासून... त्यावर मोहोर उमटवणारा एक रिपोर्ट समोर आला आहे. त्यामुळे बीसीसीआय आयपीएल सोन्याचं अंडं देणारी कोंबडी आहे, असं म्हणावं लागेल.

भारतीय क्रिकेट नियामक मंडळाने (BCCI) आर्थिक वर्ष 2023-24 मध्ये 9741.7 कोटी रुपयांचा विक्रमी महसूल नोंदवला आहे. याआधी एवढी रक्कम कधीच कमवली नव्हती.

यापैकी, इंडियन प्रीमियर लीग 59 टक्के योगदानाने कमाईचा प्रमुख स्त्रोत ठरला आहे. रेडिफ्यूजनच्या अहवालानुसार, आयपीएलमधून 5,761 कोटी रुपये मिळाले.

तर नॉन-आयपीएल मीडिया राईट्समधून बीसीसीआयने अतिरिक्त 361 कोटी रुपये कमावले आहेत. त्यामुळे बीसीसीआयसाठी आयपीएल महत्त्वाची आहे, असं म्हणता येईल.

सध्याचे इंडियन प्रीमियर लीगच्या मीडिया हक्कांचे (media rights) मूल्यांकन 48,390 कोटी इतके आहे. हे मागील पाच वर्षांच्या चक्रापेक्षा तिप्पट वाढलं आहे.

आयसीसी स्पर्धांसाठी 80 टक्कांपेक्षा जास्त महसूल भारतीय बाजारपेठेतून निर्माण होतो. महसूलाचा पुढचा सर्वात मोठा भाग आयसीसी महसुलाच्या वितरणातून येतो.

आयपीएलच्या वाढत्या लोकप्रियतेमुळे आणि आर्थिक यशामुळे भारतीय क्रिकेटच्या विकासाला मोठा हातभार लागत आहे, असं म्हटलं तर चुकीचं ठरणार नाही.