IND vs SA : गंभीरला 4 खेळाडूंवर विश्वास नाही, पहिल्या T20 मधून हकालपट्टी... अशी असणार Playing XI!

वनडे सीरिज जिंकल्यानंतर आता टीम इंडिया टी-20 सीरिजसाठी सज्ज झाली आहे. वनडे खेळलेले बहुतेक खेळाडू हे टी-20 सीरिजमध्ये दिसणार नाहीत, कारण भारताची टी-20 टीम ही पूर्णपणे वेगळी आहे. गिल आणि पांड्यासोबत बुमराहचंही विश्रांतीनंतर टीम इंडियात कमबॅक झालं आहे.

गिल, पांड्या आणि बुमराह टीममध्ये परत आल्यामुळे दक्षिण आफ्रिकेविरुद्धच्या पहिल्या टी-20 सामन्यात भारताच्या प्लेइंग इलेव्हनमध्ये मोठे बदल होण्याती शक्यता आहे. 15 खेळाडूंच्या या टीममध्ये 4 खेळाडूंना बाहेर बसावं लागू शकतं.

शुभमन गिल टी-20 टीममध्ये आल्यापासून संजू सॅमसनला त्याच्या बॅटिंगचा नंबर बदलावा लागला. आशिया कपमध्ये संजू मिडल ऑर्डरमध्ये खेळला, पण या क्रमांकावर त्याला यश आलं नाही, त्यामुळे ऑस्ट्रेलियामधल्या टी-20 सीरिजमध्ये संजूला बाहेर करण्यात आलं. आता आफ्रिकेविरुद्धही संजूला बेंचवरच बसावं लागू शकतं.

मागच्या काही काळापासून वॉशिंग्टन सुंदर हा भारताचा तिन्ही फॉरमॅटमध्ये खेळणारा खेळाडू बनला आहे, पण दक्षिण आफ्रिकेविरुद्धच्या टेस्ट आणि वनडे सीरिजमध्ये सुंदरची कामगिरी निराशाजनक झाली, त्यामुळे पहिल्या टी-20 मध्ये सुंदरला चान्स मिळण्याची शक्यता कमी आहे.

हार्दिक पांड्याचं भारतीय टीममध्ये कमबॅक झाल्यामुळे शिवम दुबेची जागाही धोक्यात आली आहे. आशिया कपची फायनल आणि ऑस्ट्रेलियामधल्या टी-20 सीरिजमध्ये दुबेने बॅटिंगसोबतच बॉलिंग करून हार्दिक पांड्याची कमी जाणवू दिली नाही, पण आता हार्दिक टीममध्ये आल्यामुळे दुबेच्या स्थानावर प्रश्नचिन्ह उपस्थित झालं आहे.

हर्षित राणाला मागच्या काही काळापासून मिळत असलेल्या संधीमुळे कोच गौतम गंभीर अनेकदा टार्गेटवर आला आहे, पण पहिल्या टी-20 सामन्यात हर्षित राणाला बेंचवर बसवलं जाण्याची शक्यता आहे. कारण सुंदर, दुबे आणि हर्षित राणा यांच्यापैकी एकालाच प्लेइंग इलेव्हनमध्ये जागा मिळू शकते.

भारताची संभाव्य प्लेइंग इलेव्हन : अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, जितेश शर्मा/संजू सॅमसन, हार्दिक पांड्या, अक्षर पटेल, हर्षित राणा/वॉशिंग्टन सुंदर/शिवम दुबे, कुलदीप यादव, वरुण चक्रवर्ती, जसप्रीत बुमराह