30 वर्षांपासून विनामूल्य सेवा
डॉ. गिरीश चरवड यांनी सांगितलं की, 1994 साली झालेल्या प्रसिद्ध राठी हत्याकांड प्रकरणात त्यांनी पहिल्यांदा प्रत्यक्षदर्शीच्या वर्णनावरून गुन्हेगाराचं रेखाचित्र काढलं. हे रेखाचित्र पोलिसांच्या तपासासाठी खूप उपयोगी ठरलं. तेव्हापासून आजवर त्यांनी राज्यभरातील अनेक चर्चेत असलेल्या प्रकरणांमध्ये खून, अपहरण, बॉम्बस्फोट, दरोडे, साखळीचोरी, खंडणी आणि बलात्कार अशा गुन्ह्यांतील संशयितांची रेखाचित्रं काढली.
advertisement
फक्त 1000 रुपयांमध्ये रेल्वे स्थानकावर सुरू करा व्यवसाय, असा घ्या खास योजनेचा लाभ, Video
त्यांच्या या रेखाचित्रांमुळे अनेक गुन्हे उघडकीस आले. अनेक वेळा प्रत्यक्ष आरोपी आणि त्यांच्या रेखाचित्रातील साम्य 90 ते 100 टक्क्यांपर्यंत आढळून आलं आहे. आतापर्यंत त्यांनी 700 हून अधिक गुन्हेगारांचे रेखाचित्र तयार केले आहेत, जे अनेक प्रकरणांमध्ये तपासासाठी उपयुक्त ठरले आहेत.
डॉ. गिरीश चरवड यांनी सरकारकडे अशी मागणी केली आहे की, सरकारने शिक्षण व्यवस्थेत फॉरेन्सिक स्केच आर्टिस्ट्रीचा विशिष्ट आणि सखोल अभ्यासक्रम लागू करावा. तसेच पोलिस कर्मचाऱ्यांना या क्षेत्रात प्रशिक्षण मिळावं. राज्यातील प्रत्येक जिल्ह्यात संशोधन आणि विकास प्रयोगशाळा असाव्यात.