IPL 2022 - आयपीएल 2022

<p><strong>आयपीएल 2022</strong> (IPL 2022) च्या मोसमाला 26 मार्चपासून सुरूवात होणार आहे, तर फायनल 29 मे रोजी होणार आहे. आयपीएलच्या यंदाच्या मोसमात 2 टीम वाढल्या आहेत, त्यामुळे टीमची संख्या 10 एवढी झाली आहे. कोरोना व्हायरस आणि बायो-बबलच्या नियमांमुळे प्रवास टाळण्यासाठी स्पर्धेच्या लीग स्टेजच्या सामन्यांचं आयोजन मुंबई-पुण्यात करण्यात आलं आहे. मुंबईतल्या वानखेडे, ब्रेबॉर्न, नवी मुंबईतल्या डी.वाय.पाटील आणि पुण्याच्या एमसीए स्टेडियमवर आयपीएल सामने होतील. <strong>मुंबई इंडियन्स</strong>ची (Mumbai Indians) टीम आयपीएल इतिहासातली सगळ्यात यशस्वी टीम आहे. मुंबईने सर्वाधिक 5 वेळा आयपीएल ट्रॉफीवर आपलं नाव कोरलं आहे. त्याखालोखाल <strong>चेन्नई सुपर किंग्सने</strong> (CSK) 4 वेळा आयपीएल स्पर्धा जिंकली.<br /> आयपीएलच्या टीमची संख्या वाढल्यामुळे फेब्रुवारी महिन्यात मेगा ऑक्शन झाला, त्यामुळे या मोसमापासून बरेच खेळाडू आता दुसऱ्या टीमकडून खेळताना दिसणार आहेत.<br /> या मोसमात मुंबई इंडियन्सचा कर्णधार <strong>रोहित शर्मा</strong> (Rohit Sharma) असेल, तर चेन्नई सुपर किंग्सने <strong>एमएस धोनी</strong> (MS Dhoni), <strong>आरसीबीने</strong> (RCB) फाफ डुप्लेसिस, <strong>सनरायजर्स हैदराबाने</strong> (SRH) केन विलियमसन, <strong>राजस्थान रॉयल्सने</strong> (Rajasthan Royals) संजू सॅमसन, <strong>दिल्ली कॅपिटल्सने</strong> (Delhi Capitals) ऋषभ पंत, <strong>पंजाब किंग्सने</strong> (Punjab Kings) मयंक अग्रवाल, <strong>कोलकाता नाईट रायडर्सने</strong> (KKR) श्रेयस अय्यरला कॅप्टन्सीची जबाबदारी दिली आहे. आयपीएलच्या दोन नव्या टीम गुजरात टायटन्सने (Gujarat Titans) हार्दिक पांड्या आणि लखनऊ सुपर जाएंट्सने (Lucknow Super Giants) केएल राहुलला कर्णधार केलं आहे.</p>