सोलापूर - सोलापूर शहरातील केगाव येथील सिंहगड इन्स्टिट्यूट ऑफ इंजीनियरिंग मधील विद्यार्थ्यांनी एक ड्रोन बनवला असून हा ड्रोन हवामान विभागाचे दिवसाचे 15 हजार रुपये वाचवणार आहे. या संदर्भात अधिक माहिती सिंहगड इन्स्टिट्यूट ऑफ इंजीनियरिंग मधील प्राध्यापक माणिक शिंदे यांनी लोकल 18 शी बोलताना दिली.

सोलापूर : अनेक तरुण उच्चशिक्षण घेऊन व्यवसायाकडे वळत आहेत. पंढरपूर तालुक्यातील पळशी गावात राहणाऱ्या चंद्रकांत शेवाळे या तरुणाचं शिक्षण टेक्सटाइल इंजिनिअरिंग झाले आहे. नोकरीच्या मागे न धावता त्यांनी बंदिस्त शेळीपालन करायचा निर्णय घेतला. बंदिस्त शेळीपालन करत असताना आलेल्या अडचणींवर मात करत आज चंद्रकांत शेवाळे हे आठ महिन्याला आठ ते नऊ लाख रुपयांची उलाढाल करत आहेत. पाहुयात यशस्वी बंदिस्त शेळी पालन करणाऱ्या या तरुणाची यशोगाथा.

पुणे: सध्या बाजारात गाजरांची मुबलक आवक झाली आहे. गाजर आपल्या आरोग्यासाठीही खूप फायदेशीर असते. अनेकजण गाजरापासून हलवा बनवतात, पण आज आपण गाजराची एक वेगळी रेसिपी पाहणार आहोत. ती म्हणजे चटपटीत गाजर-मिरचीचे लोणचे. हे लोणचे तुम्ही सहजपणे महिनाभर वापरू शकता. चला तर मग जाणून घेऊ सोप्या पद्धतीने गाजर-मिरचीचे लोणचं कसं बनवायचे.

पुणे : सातत्य, जिद्द आणि मेहनत या तीन गोष्टींच्या जोरावर कोणताही व्यवसाय यशस्वी होऊ शकतो, हे कर्वेनगरच्या उज्वला करवळ यांनी दाखवून दिले आहे. आयटी क्षेत्रातील स्थिर नोकरी सोडून फक्त 1 हजार रुपयांच्या गुंतवणुकीत सुरू केलेल्या लहानशा उपक्रमाने आज तब्बल 70 लाखांची उलाढाल गाठली आहे. विशेष म्हणजे, या उद्योगातून 50 महिलांना रोजगार मिळत असून महिला सबलीकरणाचे हे प्रेरणादायी उदाहरण ठरत आहे.

पुणे आणि नाशिकच्या मिसळीवरून होणारा वाद (Misal Debate) काही केल्या संपत नाही. पण आता, तुमच्यासाठी मिसळीचा एक 'नवा चॉईस'—ती म्हणजे आफ्रिकन मिसळ! होय, तुम्ही बरोबर ऐकलं! हा हटके पदार्थ चवीला एकदम वेगळा आणि लय भारी (Very Delicious) आहे. ही खास 'आफ्रिकन मिसळ' पुण्यातील टिळक रोडवरील बाप्पा मिसळ (Bappa Misal, Tilak Road, Pune) या ठिकाणी उपलब्ध आहे. पारंपारिक मिसळीला एक विदेशी ट्विस्ट देणारा हा पदार्थ एकदा खाल्लाच पाहिजे!

वर्धा: विविध खेळ प्रकारांकडे आजकाल चिमुकल्यांचा कल वाढताना दिसून येतो आहे. वर्धा जिल्ह्यातही मोठ्या संख्येने मुलं आणि मुलीही कराटेचे प्रशिक्षण घेत आहेत. सध्या पालकांनाही आपल्या मुलांना वेगवेगळ्या खेळ प्रकारांचे प्रशिक्षण देणे महत्त्वाचे वाटते. त्यामुळे अगदी 5-6 वर्षांचे चिमुकलेही कराटे प्रशिक्षण घेत आहेत. अनेक मुलं कराटेमध्ये राज्य ते राष्ट्रीय पातळीपर्यंत बक्षीस मिळवत आहेत. कराटे क्षेत्रात उत्तुंग भरारी घ्यायची असेल तर विशेष मेहनत घेणे गरजेचे आहे. मोबाईलच्या आहारी जाऊ नये आणि सकस आहार घ्यावा, असे आवाहन वर्ध्यातील प्रशिक्षकांकडून आणि यशस्वी कराटे खेळाडूंकडून करण्यात येते. मुलींना कराटे शिकण्याचे अनेक फायदे वर्धा जिल्ह्यात कराटे शिकणाऱ्या चिमुकल्यांची संख्या दिवसेंदिवस वाढत असून मुली देखील अतिशय उत्साहाने कराटे प्रशिक्षण घेत आहेत. मुलींना स्वतःची रक्षा करण्यासाठी कराटे प्रशिक्षण उपयोगी ठरते. आज-काल सर्वच क्षेत्रांमध्ये मुलींची संख्या वाढताना दिसते आहे. इतर खेळ प्रकारांसह कराटे आणि लाठीकाठी मध्ये देखील अनेक मुलींनी राज्यस्तरीय आणि तर ही बक्षीसे मेडल्स जिंकली आहेत.