Eclipse: 2024 मधील पहिलं चंद्रग्रहण कोणत्या राशींसाठी लकी, कोणाला घ्यावी लागणार काळजी?

या चंद्रग्रहणाची वेळ सकाळी 10:24 ते दुपारी 03:01 पर्यंत असेल. या चंद्रग्रहणाचा एकूण कालावधी 04 तास 36 मिनिटे आहे. हे ग्रहण भारतात दिसणार नाही आणि त्यामुळे सुतक भारतात वैध राहणार नाही, परंतु सर्व 12 राशींवर याचा प्रभाव पडेल. ज्योतिषी आणि अंकशास्त्रज्ञ डॉ. गौरव कुमार दीक्षित यांच्याकडून आपण जाणून घेणार आहोत की, वर्षाच्या पहिल्या ग्रहणाचा म्हणजेच चंद्रग्रहणाचा सर्व 12 राशींच्या लोकांवर काय परिणाम होईल. कोणाला नशिबाची साथ मिळेल तर कोणाला काळजी घ्यावी लागेल. चंद्रग्रहणाचे उपायही आपण जाणून घेणार आहोत.

मेष- मेष राशीच्या लोकांनी काळजी घ्यावी. शत्रूंपासून सुरक्षित राहा आणि वाहन जपून चालवा. ग्रहण काळात या राशीच्या लोकांनी शिव मंदिरात किंवा घरी देव्हाऱ्या समोर बसून चंद्राच्या मंत्राचा जप करावा.

वृषभ- वृषभ राशीच्या लोकांना आर्थिक बाबतीत खूप सावध राहावे लागेल. यामध्ये निष्काळजी राहणे महागात पडू शकते. या राशीच्या लोकांनी लहान मुलींना कपडे दान करावे.

मिथुन- मिथुन राशीच्या लोकांसाठी हे चंद्रग्रहण उत्तम परिणाम देईल. कामाची चिंता दूर होईल आणि चांगल्या संधी उपलब्ध होतील. या राशीच्या लोकांनी गायीची सेवा करून तिला चारा द्यावा.

कर्क- कर्क राशीच्या लोकांना आपल्या बोलण्यावर नियंत्रण ठेवावे लागेल, अन्यथा नातेवाईकांसोबतचे संबंध बिघडायला वेळ लागणार नाही. सावधगिरी बाळगा. या राशीच्या लोकांनी साखर मिठाई एखाद्या गरीब व्यक्तीला किंवा मंदिरात दान करावी.

सिंह - वर्षातील पहिले चंद्रग्रहण सिंह राशीच्या लोकांसाठी चांगले परिणाम देणार आहे. तुमचे खर्च कमी होतील आणि तुम्ही बचत इत्यादींसाठी गुंतवणूक करू शकता. या राशीच्या लोकांनी कोणत्याही रुग्णालयात जाऊन रुग्णांना फळ दान करावे.

कन्या- कन्या राशीच्या लोकांनी कोणत्याही प्रकारची आर्थिक जोखीम घेऊ नये आणि गुंतवणूक टाळावी. याशिवाय मालमत्तेशी संबंधित कामात घाई टाळा. या राशीच्या लोकांनी गरिबांना धान्य दान करावे.

तूळ- तूळ राशीच्या लोकांसाठी हे ग्रहण सामान्य राहणार आहे. त्या आठवड्यात मोठी गुंतवणूक आणि पत्नीशी भांडणे टाळा. या समस्या टाळण्यासाठी या राशीच्या लोकांनी गरीब स्त्रीला अन्न आणि वस्त्र दान करावे.

वृश्चिक- वृश्चिक राशीच्या लोकांनी आरोग्याबाबत गाफील राहू नये. या काळात तुम्ही एखाद्या समस्येबद्दल खूप चिंतेत असाल. या राशीच्या लोकांनी ग्रहणाचा प्रभाव टाळण्यासाठी पांढरे वस्त्र आणि तांदूळ शिव मंदिरात दान करावे.

धनु- धनु राशीच्या लोकांनी उत्पन्न आणि खर्चाचा समतोल राखावा. कोणत्याही कामात घाई करू नये. तुमचे काही काम पूर्ण करण्यात अडचण येऊ शकते. या राशीच्या लोकांनी मंदिरात मिठाई, फळे इत्यादी दान करावे.

मकर- हे ग्रहण मकर राशीसाठी खूप चांगले असणार आहे. या लोकांची सर्व प्रलंबित कामे पूर्ण होऊन त्यांचे मन प्रसन्न राहील. या राशीच्या लोकांनी भगवान शंकराला तीळ मिसळलेले पाणी अर्पण करावे.

कुंभ- या चंद्रग्रहणामुळे तुम्हाला विशेष लाभ होतील. परदेशात जाण्याचे तुमचे स्वप्न पूर्ण होऊ शकते. कामाच्या ठिकाणी यश मिळण्याची शक्यता आहे. या राशीच्या लोकांनी कोणत्याही धार्मिक क्षेत्राबाहेर गरीबांना दूध किंवा दुग्धजन्य पदार्थ दान करावे.

मीन - मीन राशीच्या लोकांनी आपल्या आरोग्याची काळजी घ्यावी आणि पैशाशी संबंधित निर्णय विचारपूर्वक घ्यावेत. या लोकांनी मानसिक गोंधळ टाळणे आवश्यक आहे. या राशीच्या लोकांनी पक्ष्यांना बाजरी आणि बार्ली खाऊ घालावी.