MPSC RECRUITMENT 2023: एमपीएससीच्या 842 पदांसाठी भरती, 'या' तारखेपासून करता येणार अर्ज

राज्य शासनाच्या विभागांतील विविध संवर्गातील 842 पदांसाठी महाराष्ट्र लोकसेवा आयोगातर्फे भरती प्रक्रिया राबवली जाणार आहे. त्यासाठीची अर्ज प्रक्रिया १२ डिसेंबरपासून सुरू होणार आहे. राज्य शासनाच्या वैद्यकीय शिक्षण आणि औषधी द्रव्य विभागातील पाच, गृह विभागातील १०, उच्च व तंत्रशिक्षण विभागातील एक, सामान्य प्रशासन विभागातील एक, इतर मागास बहुजन कल्याण विभागातील ५७, पाणी पुरवठा विभागातील तीन, वैद्यकीय शिक्षण आणि औषधी द्रव्य विभागातील ७६५ पदांची भरती प्रक्रिया राबवली जाणार आहे.

इच्छुक विद्यार्थ्यांनी https://mpsc.gov.in या बेवसाईटवर भेट देऊन तिथे रजिस्ट्रेशन करुन अर्ज भरायचा आहे. महाराष्ट्र शासनाच्या भूजल सर्वेक्षण आणि विकास यंत्रणेतील सहायक भूभौतिकतज्ञ, गट ब या संवर्गातील पदभरतीकरीता आयोगाच्या संकेतस्थळावर जाहिरात (जा.क्र.134/2023) प्रसिध्द करण्यात आली आहे. एकूण तीन पदांसाठी रिक्त जागा असून शेवटचा अर्ज भरण्यासाची मुदत १ जानेवारी आहे.