Matrimonial Site : मॅट्रिमोनियल साईटवरुन अनेक मुलींना गंडा, महिला डॉक्टरकडून 20 लाख उकळले, कशी होती पद्धत?

डॅाक्टर तरुणी म्हणाली, ‘गेल्या सात डिसेंबरला तो गोरखपूरला आला. आधार कार्ड दाखवलं. त्यावर त्याच्या जन्मतारखेमध्ये 2000 साल नोंदवलं होतं. त्याने मला बोलण्यात गुंतवलं आणि आपल्या व्यक्तिमत्त्वाची छाप पाडली. मी त्याला प्रामाणिक समजले आणि बोलत राहिले. मात्र नंतर अधून मधून काही ना काही अडचण आली असं सांगून तो माझ्याकडे पैसे मागू लागला. माझा अपघात झालाय आणि उपचारांसाठी पैसे हवे आहेत असं त्याने अनेकदा सांगितलं. व्हॅाट्सॲपववर प्रिस्क्रिप्शनही पाठवलं. आपल्या डोक्यावर बंदूक रोखलेल्या अवस्थेत किंवा डिप्रेशनचा आजार आहे असं सांगून रेल्वेच्या रुळावर झोपूनही त्याने मला व्हिडिओ कॉल केले. आत्महत्या करण्याची इच्छा त्याने अनेकवेळा बोलून दाखवली. तो नाटक करतो आहे असं मला वाटलं नाही. त्यामुळे मी त्याला समजावत राहिले. माझ्याकडून त्याने 19 लाख 38 हजार रुपये उकळले. मी पैसे परत मागितले तेव्हा त्याने बनावट डिमांड ड्राफ्ट मला पाठवला. त्यावेळी मला आपण फसवले गेलोय ही जाणीव झाली,’ असं या तरुणीने स्पष्ट केलं.