PSI अन्नपूर्णा बनली दुर्गा, 5 वर्षीय मुलीवर अत्याचार करणाऱ्या नराधमाला दिला भयंकर मृत्यू, थेट एन्काऊंटर

आयुक्तांनी पुढे सांगितलं की, आरोपी अनेक वर्षांपासून त्याच्या घरापासून दूर राहत होता. त्याला जिथे काम मिळेल तिथे तो काम करायचा. दोन ते तीन महिन्यांपूर्वीच तो हुबळी येथे आला होता आणि तारिहाला अंडरपासजवळील एका रिकाम्या इमारतीत तो राहत होता. त्याची ओळख पटवण्यासाठी आणि कागदपत्रांची पूर्तता करण्यासाठी तो जिथे राहत होता तिथे त्याला नेण्यात आले. यावेळी त्याने अचानक पोलिसांच्या वाहनावर दगडफेक केली. अधिकाऱ्यांवर हल्ला करत पळून जाण्याचा प्रयत्न केला. यावेळी महिला अधिकारी पीएसआय अन्नपूर्णा यांनी आरोपीला इशारा देण्यासाठी हवेत गोळीबार केला. पण तो थांबला नाही, तेव्हा अन्नपूर्णा यांनी त्याच्यावर दोन ते तीन गोळ्या झाडल्या. ज्यातली एक गोळी त्याच्या पायाला लागली आणि दुसरी त्याच्या पाठीला लागली."

या एन्काऊंटरमध्ये आरोपी बेशुद्ध पडला आणि त्याला ताबडतोब रुग्णालयात नेण्यात आले, जिथे डॉक्टरांनी त्याला मृत घोषित केले. या घटनेत पीएसआय अन्नपूर्णा आणि यशवंत आणि वीरेश हे दोन कर्मचारी जखमी झाले आहेत पण त्यांची स्थिती धोक्याबाहेर आहे, असंही पोलीस आयुक्त एन शशीकुमार यांनी सांगितलं.