Lamborghini Car Accident: भरधाव लॅम्बोर्गिनीची दोन कामगारांना चिरडले; निर्ढावलेल्या चालकाने विचारले, कोणी मेला का? Video

एका लाल रंगाच्या लॅम्बोर्गिनीने कामगारांना धडक दिल्यानंतर सेफ्टी हेल्मेट आणि केशरी जॅकेट घातलेले कामगार लक्झरी कारकडे धावत गेले. तेव्हा तेथे उपस्थित असलेल्या एका व्यक्तीने या घटनेचा व्हिडिओ मोबाईलवर शुट केला. कामगारांनी गाडीचा दरवाजा उघडला. व्हिडिओ करणाऱ्या व्यक्तीने चालकाला विचारले की, तुम्ही बरेच स्टंट शिकला आहात का? तुम्हाला माहिती आहे का इथे किती लोक मेले आहेत? ज्यावर ड्रायव्हरने सहज उत्तर दिले, "कोणी मेले का?"

पोलिसांनी घटनास्थळी पोहोचून जखमी कामगारांना उपचारासाठी जवळच्या रुग्णालयात दाखल केले. मिळालेल्या माहितीनुसार, दोघांचीही प्रकृती धोक्याबाहेर आहे. ज्या गाडीने कामगारांना धडक दिली त्याच्या नंबर प्लेटवरून गाडी पुद्दुचेरीमध्ये नोंदणीकृत असल्याचे दिसते. पोलिसांनी चालकाला ताब्यात घेतले आहे आणि गाडी जप्त केली आहे.