मुंबई : 'पुष्पाभाऊ'च्या मागे लागलेला समन्सचा फेरा काही सुटायचं नाव घेत नाहीये. अभिनेता अल्लू अर्जुनला आणखी एक समन्स बजावण्यात आला आहे. अल्लू अर्जुनचा त्रास वाढत चालला आहे. 4 डिसेंबर रोजी 'पुष्पा 2' रिलीज होत असताना एका महिलेचा मृत्यू झाला होता आणि एक मुलगा गंभीर जखमी झाला. या प्रकरणी आता हैदराबाद पोलिसांनी अल्लू अर्जुनला चौकशीसाठी समन्स बजावला आहे. अभिनेत्याला आज म्हणजेच 24 डिसेंबर रोजी सकाळी 11 वाजता चिक्कडपल्ली पोलीस ठाण्यात चौकशीसाठी हजर राहायचे आहे.