Allu Arjun : घाबरलेली मुलं, चिंतेत संपूर्ण कुटुंब, घरावरील हल्ल्यानंतर 'पुष्पा 2' स्टार अल्लू अर्जुनचा मोठा निर्णय

या हल्ल्यानंतर अल्लू अर्जुनने मोठा निर्णय घेतला आणि मुलांसह घर सोडून सुरक्षित स्थळी गेला आहे. मीडिया रिपोर्ट्सनुसार, अल्लू अर्जुनने आपल्या मुलांना वडिलांच्या घरी पाठवले आहे. दरम्यान, इंटरनेटवर एक व्हिडिओ समोर आला आहे ज्यामध्ये अल्लू अर्हा आणि अल्लू अयान कुटुंबातील काही सदस्यांसह कारमधून परिसर सोडताना दिसत आहेत.

त्याचवेळी, मीडियाने कारला घेरले आणि यावेळी कारमध्ये बसलेली अरहा चिंताग्रस्त दिसत होती. अल्लू अर्जुनने त्याच्या घराबाहेर झालेल्या निषेधांवर अद्याप भाष्य केले नसले, तरी त्याचे कुटुंबीय देखील चिंतेत दिसत होते. परंतु त्याचे वडील, निर्माता अल्लू अरविंद यांनी रविवारी रात्री मीडियाशी संवाद साधला आणि झालेल्या प्रकाराचा निषेध केला.

ते पुढे म्हणाले की, "पोलिसांनी तोडफोड करणाऱ्यांना अटक करून त्यांच्यावर गुन्हा दाखल केला आहे. ते म्हणाले, 'येथे गोंधळ घालण्यासाठी कोणीही आले तर त्यांना घेऊन जाण्यास पोलिस तयार आहेत. अशा घटनांना कोणीही प्रोत्साहन देऊ नये. पण केवळ मीडिया इथे आहे म्हणून मी प्रतिक्रिया देणार नाही. आता संयम बाळगण्याची वेळ आहे. कायदा त्याचे काम करेल." दरम्यान, निदर्शनांप्रकरणी सहा जणांना अटक करण्यात आली आहे.