हातात घेतला हात अन् बोलला असं काही... भरमंडपात मराठी अभिनेत्रीला कोसळलं रडू; VIDEO

Amruta Malwadkar Vinayak Purushottam Wedding : मराठी मनोरंजनविश्वातील लोकप्रिय अभिनेत्री नुकतीच लग्नबंधनात अडकली आहे. स्टार प्रवाहच्या 'कोण होतीस तू काय झालीस तू' या लोकप्रिय मालिकेत झळकलेली अभिनेत्री अमृता माळवदकरने 'महाराष्ट्राची हास्यजत्रा'चा लेखक विनायक पुरुषोत्तमसोबत लग्नगाठ बांधली आहे. विनायकच्या अलिबाग येथील राहत्या घराच्या अंगनात निसर्गाच्या सानिध्यात त्यांनी लग्न केलं आहे. विशेष म्हणजे अमृता आणि विनायकने स्वत:चं लग्नातली सजावट केली. जवळचे कुटुंबिय आणि मोजक्या मित्रमंडळींच्या उपस्थितीत त्यांनी लग्न केलं आहे. सध्या त्यांचे लग्नाचे फोटो आणि व्हिडीओ सोशल मीडियावर चांगलेच व्हायरल होत आहेत. लग्नसोहळ्यात अमृता भावूक झाली असून तिला अश्रू अनावर झाले होते.