Avika Gor Engagement: 'बालिका वधू' फेम अविका गौरचा गुपचूप साखरपुडा, फोटो शेअर करत दिली गुडन्यूज!

अविकाने सोशल मीडियावर काही सुंदर फोटो शेअर करत तिच्या प्रेमाचा आणि नात्याचा खास क्षण शेअर केला आहे. प्रियकर मिलिंद चांदवानीसोबत साखरपुडा केला. ती गुलाबी साडीत आणि स्लीव्हलेस ब्लाउजमध्ये खूपच गोड दिसत होती. मिलिंदनेही बेज रंगाची शेरवानी घालून अत्यंत सोज्वळ लूक ठेवला होता.

या पोस्टमध्ये अविकाने आपल्या भावना अगदी फिल्मी शैलीत लिहिल्या. तिने सांगितले की मिलिंदने प्रपोज करताच ती हसली, रडली आणि हो म्हणाली.मिलिंद यानेही तिच्या पोस्टवर खास कमेंट केली. त्याने म्हटलं, “तू नाटक आहेस, मी दिग्दर्शन करतोय, चला मिळून एक सुंदर चित्रपट बनवूया.”

अविका आणि मिलिंद एकमेकांना समाजसेवेच्या कामात भेटले. ते हळूहळू चांगले मित्र झाले आणि त्या मैत्रीतून विश्वासाचं आणि काळजीचं नातं तयार झालं. अविकाने एका मुलाखतीत सांगितलं होतं की, “मिलिंदसारखं व्यक्तिमत्त्व माझ्यासाठी नवीन होतं शांत, समजूतदार आणि खंबीर.”