Bigg Boss 19 : चौथ्या आठवड्यात प्रणित मोरे होणार घराबाहेर? नॉमिनेशन टास्कमध्ये मोठा ट्विस्ट

या आठवड्यात नॉमिनेशन प्रक्रिया खूपच वेगळी होती. घरामध्ये अभिषेक बजाज आणि शहबाज बदेशा यांच्यात मोठा वाद झाला होता. त्यावरून, दोघेही नॉमिनेट झाल्याच्या चर्चा होत्या, पण शहबाजचं नाव नॉमिनेशन लिस्टमध्ये नव्हतं. सगळ्यात मोठा ट्विस्ट तेव्हा आला, जेव्हा ‘बिग बॉस’ने सगळ्यांना असेंब्ली रूमध्ये बोलावून घेतलं. त्यांनी सांगितलं की, प्रत्येक स्पर्धकाने दोन-दोन जणांना नॉमिनेशनमधून वाचवायचं आहे. या प्रक्रियेनंतर काही खूपच धक्कादायक नावं नॉमिनेट झाली आहेत. या आठवड्यात नॉमिनेट झालेले ५ स्पर्धक आहेत - अभिषेक बजाज, अशनूर कौर, प्रणित मोरे, नेहल चुडासमा, बसीर अली.

या यादीत काही अशी नावं आहेत, ज्यांना यंदाच्या पर्वात खूप मजबूत स्पर्धक मानलं जात आहे. आता हे ५ स्पर्धक धोक्यात आली आहेत. काही लोकांना नॉमिनेशनमध्ये अभिषेक बजाजचं नाव पाहूनही आश्चर्य वाटलं, कारण तो सतत चर्चेत असतो. अशातच हिंदी टेलिव्हिजनमधील प्रसिद्ध नाव नॉमिनेशनमध्ये असल्याने आता याचा प्रणित मोरेला फटका बसू शकतो असेही अनेकांचं म्हणणं आहे. आता या ५ पैकी कोण बाहेर जाईल, हे पाहणं खूपच महत्त्वाचं ठरणार आहे.