Bigg Boss 19 : 'बिग बॉस 19'च्या घराला मिळाले 'TOP 5' स्पर्धक! चार दिवसांतच होणार विजेत्याची घोषणा

Bigg Boss 19 : 'बिग बॉस 19' हा छोट्या पडद्यावरील लोकप्रिय वादग्रस्त कार्यक्रम पुढच्या पाच दिवसांत प्रेक्षकांचा निरोप घेणार आहे. 7 डिसेंबर 2025 रोजी या पर्वाच्या विजेत्याची घोषणा होणार आहे. त्यामुळे स्पर्धकांसह प्रेक्षकांमध्ये एक वेगळाच उत्साह पाहायला मिळत आहे. गेल्या आठवड्यात 'वीकेंड का वार'ला दोन स्पर्धकांचा प्रवास संपला होता. शारीरिक हिसांचारामुळे अशनूर कौर आणि कमी वोट्स मिळाल्याने शहबाज बदेशा घराबाहेर पडले होते. गेल्या आठवड्याप्रमाणे या आठवड्यातही 'बिग बॉस 19'च्या घरात मिड वीक एविक्शन पार पडलं आहे. त्यामुळे घराला 'TOP 5' स्पर्धक मिळाले आहेत. त्यामुळे आता यापैकी 'बिग बॉस 19'ची ट्रॉफी कोण आपल्या नावे करणार हे जाणून घेण्याची 'बिग बॉस'प्रेमींना उत्सुकता आहे.