'बादशाह' चित्रपटातील छोटी सोनू झाली खूपच ग्लॅमरस! फिल्मी कुटुंबाशी आहे खास कनेक्शन

अभिनेता शाहरुखचा 'बादशाह' नावाचा चित्रपट आला होता. चित्रपटातील बादशाहची मुलगी म्हणजेच छोटी सोनू सगळ्यांनाच आठवते. या सोनूने त्यातील गुंडांना खूपच सळो की पळो करुन सोडले होते. ती बालकलाकार होती करिश्मा जैन छज्जर. जी फिल्म प्रोड्यूसर गिरीश जैन यांची मुलगी होती, तर रतन जैन यांची ती भाची होती. तिचे हे नाते या फिल्मी कुटुंबासोबत होते. करिश्मा सोशल मीडियावर सक्रिय असते. ती आपले फोटो सोशल मीडियावर शेअर करत असते.

करिश्मा एका मुलाखतीमध्ये म्हणाली, "मला एका डान्स साठी उभं केलं होतं. त्यावेळी मला फिल्ममेकर अब्बास मस्तान यांनी पाहिले. तेव्हा मला माझा पहिला आणि शेवटचा चित्रपट मिळाला. शूटींगच्यावेळी शाहरुख अब्बासला म्हणाला, 'बेबी जास्त वजनाची आहे.' त्यानंतर त्याने सीन बदलला आणि माझा हाथ पकडून पळायचा सीन केला."