बायकांना मारतो? 'देवमाणूस' मालिका बघून भडकलेली किरणची आई, लेकालाच काढलं घराबाहेर

Kiran Gaikwad : झी मराठी पुरस्कार सोहळ्यात 'देवमाणूस' फेम किरण गायकवाड याची आई आणि मोठा भाऊ उपस्थित होते. विशेष म्हणजे झी मराठी अवॉर्ड 2025 च्या मंचावर किरण गायकवाडच्या आईने आपल्या लेकाबद्दलचा एक किस्सादेखील शेअर केला. आई मंचावर येताच किरण गायकवाडची एक हळवी बाजू पाहायला मिळाली. विशेष म्हणजे "तुमचा मुलगा बायकांना मारतो, कसले संस्कार केलेत तुम्ही मुलावर?"....देवमाणूस मालिका बघून किरणच्या आईने त्याला घराबाहेर हाकललं होतं. देवमाणूस मालिकेमुळे अभिनेता किरण गायकवाड प्रेक्षकांच्या घराघरात पोहोचला. त्याच्या खलनायकाच्या भूमिकेमुळे तो चांगलाच लोकप्रिय झाला. लागीरं झालं जी मध्येही किरण खलनायक म्हणून समोर आला होता. आता झी मराठी अवॉर्डच्या मंचावर किरणचं कौतुक करत त्याच्या आईने एक आठवणदेखील शेअर केली.