देश साखर झोपेत, भारताचा पाकवर Air Strike; रितेश देशमुखचं 3 वाजून 2 मिनिटांनी ट्विट

मुंबई : संपूर्ण देश साखर झोपेत असताना भारतीय सैन्याने पाकिस्तानवर हल्ला करत क्रूर दहशतवाद्यांचा खात्मा केला. जम्मू- काश्मीरच्या पहलगाममध्ये झालेल्या दहशतवादी हल्ल्यानंतर 15 दिवसांनी भारताने ऑपरेशन सिंदूरच्या माध्यमातून एअर स्ट्राईकद्वारे पाकिस्तानच्या ताब्यात असलेलं काश्मीरमधील पीओके दहशतवादी तळ उद्धवस्त केलं. भारतीय सैन्याच्या या कामगिरीनंतर प्रत्येक भारतीय नागरिकाचा उर अभिमानानं भरून आला आहे. भारताने पहलगाम हल्ल्यानंतर एअर स्ट्राईक करत पाकिस्तानला सडेतोड उत्तर दिलं आहे. भारताच्या या कामगिरीवर अनेक कलाकारांनी ट्विट करत आपल्या प्रतिक्रिया दिल्या आहेत.