सिंगरसोबत खोलीत एकटा होता क्रिकेटर, तिच्या नवऱ्याने ठोठवलं दार, जीव मुठीत धरून पळाला, आयुष्य झालं बरबाद!

नूरजहां यांनी केवळ पाकिस्तानच नव्हे, तर भारतीय फिल्म इंडस्ट्रीसाठी देखील अनेक गाणी गायली. पंजाबी, सिंधी, बंगाली, पश्तो, हिंदी आणि अरबी भाषेत 10 हजारांहून अधिक गाणी गाणाऱ्या नूरजहांच्या आवाजाच्या जादूने दिवंगत लता मंगेशकरही त्यांची फॅन झाल्या होत्या. त्यांच्या स्वरांनी संगीतरसिकांना मोहित केले होते.

नूरजहांचे खरे नाव अल्ला राखी वसाई होते. त्यांना संगीताचा वारसा लाभला होता. लहानपणापासूनच त्यांना अभिनय आणि गायनाची आवड होते. 1930 साली त्यांनी ‘हिन्द के तारे’ चित्रपटात बालकलाकार म्हणून काम केले. त्या काळातील त्यांचे व्यक्तिमत्व असे होते की त्यांनी आपल्या अटींवरच काम केले. नूरजहांनी दोन लग्ने केली होती. 1942 साली त्यांनी शौकत रिजवीशी पहिले लग्न केले आणि 1953 साली दोघे विभक्त झाले. 1959 साली त्यांनी एजाज दुर्रानीशी दुसरे लग्न केले, जे 1971 पर्यंत टिकले. याशिवाय, पाकिस्तानी क्रिकेटर नजर मोहम्मदसोबतच्या त्यांच्या प्रेमप्रकरणाचेही खूप चर्चा झाल्या होत्या.

एक्स्ट्रा मैरिटल अफेअरमुळे त्या चर्चेत आल्या. दुसऱ्या लग्नानंतर त्यांचे नजर मोहम्मदसोबत प्रेमसंबंध प्रस्थापित झाले. त्यांची प्रेमकहाणी आजही लोकांना थक्क करते. लग्न झालेले असूनही नूरजहां नजर मोहम्मदला भेटत होत्या. दोघेही एकमेकांच्या प्रेमात रंगले होते. एकदा तर नजर मोहम्मद प्रेमाच्या वेडात नूरजहांच्या घरीच पोहोचले. दोघेही एका खोलीत एकटे होते, तेव्हा अचानक दरवाजावर त्यांचा नवरा आला.

जीव वाचवण्यासाठी नजर मोहम्मदने थेट दुसऱ्या मजल्यावरून उडी मारली. या अपघातात त्यांच्या हाताला गंभीर दुखापत झाली. त्यांनी गुप्तपणे एका पहलवानाला बोलावून हात ठीक करवून घेतला. मात्र त्यांची प्रकृती हळूहळू अधिकच खालावली. काही दिवसातच त्यांचा हात खराब झाला आणि त्यामुळे त्यांना क्रिकेट सोडावे लागले. नूरजहांच्या प्रेमामुळे त्यांची जिंदगी बरबाद झाली.