'रंग माझा वेगळा' नंतर 'या' भूमिकेत झळकणार रेश्मा शिंदे; नव्या मालिकेचा जबरदस्त प्रोमो रिलीज

मुंबई : छोट्या पडद्यावरील मालिका संपल्यानंतरही अनेक वर्ष प्रेक्षकांच्या मनात जिवंत राहतात, त्यातील कलाकारही लोकप्रिय होतात. अशीच एक मालिका म्हणजे स्टार प्रवाह वरची 'रंग माझा वेगळा'. दीपा आणि कार्तिकची ही लव्हस्टोरी चांगलीच हिट झाली होती. मालिकेनं १००० एपिसोड्सचा टप्पा पार केला होता. त्यातून दीपाची भूमिका साकारणारी अभिनेत्री रेश्मा शिंदे घराघरात पोहचली. तिने साकारलेली प्रेमळ बायको, सोशिक सून प्रेक्षकांना चांगलीच भावली. काही दिवसांपूर्वीच या मालिकेनं एक्झिट घेतली. त्यानंतर चाहते रेश्माला पुन्हा मोठ्या पडद्यावर पाहण्यासाठी उत्सुक होते. आता चाहत्यांची प्रतीक्षा संपली असून रेश्मा लवकरच नव्या मालिकेत झळकणार आहे.