'पुन्हा हे बोलण्याची हिंमत करू नको', अनुश्री माने असं काय बोलली, ज्यामुळे इतका संतापला राकेश बापट

अनुश्री असं काय बोलली ज्यामुळे राकेशचा पारा चढला. राकेश इतका भडकला की त्याने अनुश्रीला कडक शब्दात सुनावलं. या वादात घरातील इतर सदस्यही मध्यस्थी करण्याचा प्रयत्न करताना दिसत आहेत, मात्र राकेशचं डोकं चांगलंच गरम झालं आहे.

( ना रुचिता ना तन्वी, फेमस सोशल मीडिया इन्फ्लुएन्सर BBM 6 च्या घरातला चोर, अखेर नाव आलं समोर )

घरातील वातावरणात तणाव निर्माण झाला जेव्हा अनुश्री आक्रमकपणे राकेशला म्हणाली, "मला कोणीही माझ्या बेडवरून हलवू शकत नाही." तिने पुढे राकेशला उद्देशून म्हटले, "जिथे तू हात धरून मला उठवलंस ना, तिथेच माझ्या डोक्यात गेलास तू."

अनुश्रीचं हे बोलणं ऐकून राकेशचा संयम सुटला. तो संतापून म्हणाला, "हे बोलणं चुकीचं आहे. Do not dare to say that again. आयुष्यात मी २५ वर्षं एवढं काम केलं आहे, कोणाची हिंमत आहे की मला असं कोणी बोलेल?" या वादाने इतकं गंभीर वळण घेतलं की राकेश चिडून ओरडला, "मला या घरात आता थांबायचं नाहीये!" आणि तो तिथून निघून गेला. प्रोमोमध्ये शेवटी बिग बॉसच्या घराचा मुख्य दरवाजा उघडताना दिसतोय. खरंच राकेश घराच्या बाहेर जाणार का? आजच्या भागात नेमकं काय घडणार? हे जाणून घेण्यासाठी प्रेक्षक उत्सुक आहेत.

बिग बॉस मराठीच्या पहिल्या आठवड्यात कोणीच घराबाहेर गेलं नाही. पण जे स्पर्धक आधीच्या आठवड्यात नॉमिनेट होते तेच स्पर्धक पुढेही नॉमिनेट झाले आहेत. बिग बॉसने दिलेला हा ट्विस्ट या आठवड्यात काय रंगत आणणार हे पाहणं महत्त्वाचं ठरणार आहे.