Kantara : 'कांतारा'चा थरार कायम, लवकरच येणार तिसरा भाग; काय असेल ऋषभ शेट्टीच्या पुढील चित्रपटाचं नाव?

बॉलिवूड हंगामाच्या रिपोर्टनुसार, 'कांतारा'च्या तिसऱ्या भागाचं नाव 'चॅप्टर 1'च्या शेवटी जाहीर करण्यात आलं आहे. 'कांतारा:अ लीजेंड-चॅप्टर 2' असं या तिसऱ्या भागाचं नाव असणार आहे. 'कांतारा' हा चित्रपट 2022 मध्ये प्रदर्शित झाला होता. 1990 च्या दशकावर आधारित या चित्रपटाचं कथानक आहे. 'कांतारा: चॅप्टर 1’ची कथा पहिल्या भागातील घटनांपासून हजार वर्षांपूर्वीच्या काळात घडते. त्यामुळे हा चित्रपट ‘कांतारा’चा प्रीक्वेल आहे. 2023 मध्ये ऋषभ शेट्टीने जाहीर केले होते की, प्रेक्षकांनी जो चित्रपट पाहिला तो प्रत्यक्षात भाग 2 होता आणि पुढील चित्रपट ‘कांतारा’चा प्रीक्वेल असेल. ऋषभ शेट्टी म्हणाला होता,"आम्हाला प्रेक्षकांकडून मिळालेल्या अपार प्रेम आणि पाठिंब्याबद्दल खूप आभार आणि या प्रवासाला पुढे नेत देवाच्या आशीर्वादाने चित्रपटाने यशस्वीरित्या 100 दिवस पूर्ण केले आहेत. या खास प्रसंगी मी ‘कांतारा’च्या प्रीक्वेलची घोषणा करू इच्छितो. जो चित्रपट तुम्ही पाहिला तो भाग 2 होता आणि आता भाग 1 पुढील वर्षी येणार आहे.