Rinku Rajguru Grandmother : रिंकूची आई तर सगळ्यांनाच माहितीये, आजीला पाहिलंत का? नातीसाखरीच देते भारी पोझ

मुंबई : सैराट सिनेमातून महाराष्ट्राच्या घराघरात पोहोचलेली अभिनेत्री रिंकू राजगुरू सगळ्यांच्या गळ्यातील ताईत आहे. अकलूज या छोट्याशा गावातून आलेली रिंकू राजगुरू आज महाराष्ट्राच्या खेड्यापाड्यातही ओळखली जाते. एका रात्रीत स्टार होण्याचं सुख काय असतं हे रिंकूने फार कमी वयात अनुभवलं. सैराट सारखा 100 कोटींचा डेब्यू सिनेमा केल्यानंतर रिंकूने अनेक मराठी सिनेमा आणि वेब सीरिजमध्ये काम केलं. रिंकूच्या आतापर्यंतच्या प्रवासात तिला तिच्या कुटुंबाची खूप मोठी साथ मिळाली आहे. रिंकू तिच्या यशाचं श्रेय नेहमीच तिच्या आई-बाबांना देते. रिंकूचे आई-बाबा तिच्या अनेक कार्यक्रमांना हजेरी लावतात. दोघांनी रिंकूबरोबर अनेक मुलाखती देखील दिल्या आहेत. रिंकूच्या आई-बाबांना तर सगळ्यांना पाहिलं आहे पण रिंकूच्या आजीला तुम्ही पाहिलंय का?