Actress Life: प्रेमासाठी ओलांडली धर्माची भिंत, 'शबनम' ची झाली 'सुरभी'; आता ओळखणंही कठीण

आपण बोलत असलेली ही अभिनेत्री लोकप्रिय शो ‘कुबूल है’ मधील 'शिरीन' म्हणजेच अभिनेत्री शबनम सय्यद आहे. शिरीन या भूमिकेतून ती घराघरात पोहोचली होती. पण आता ती ना पडद्यावर दिसते, ना तिचं जुनं रूप ओळखता येतं.

शबनमने प्रेमासाठी धर्म बदलला आणि तिचं करिअरची सोडून दिलं. शबनम सय्यदचं आयुष्य एका प्रेमकहाणीने बदललं. तिला एका गुजराती व्यावसायिकावर प्रेम झालं सौरभ वंजारा. दोघे काही वर्षे रिलेशनशिपमध्ये होते आणि शेवटी 2011 मध्ये त्यांनी लग्न केलं. पण हा विवाह आंतरधर्मीय होता. शबनम मुस्लिम होती, तर सौरभ हिंदू. प्रेमासाठी तिने धर्मही बदलला आणि हिंदू धर्म स्वीकारला.

फक्त धर्म नाही, तर तिने आपलं नावही बदललं. आता ती शबनम नसून ‘सुरभी सौरभ वंजारा’ म्हणून ओळखली जाते. एका जुन्या मुलाखतीत ती म्हणाली होती, “माझ्या नवऱ्याचं कुटुंब नेहमी म्हणायचं की सौरभची पत्नीचं नाव सुरभी असावं. म्हणून मी माझं नावच सुरभी ठेवलं!”

‘हमारी सास लीला’ आणि ‘हिटलर दीदी’ सारख्या मालिकांमध्ये शबनमच्या अभिनयाचं कौतुक झालं होतं. पण लग्नानंतर तिने टीव्ही इंडस्ट्रीला कायमचा निरोप दिला. आता ती पूर्णपणे गृहिणी आहे. तिला अभिनयासोबतच कॉमेडीचीही आवड होती. त्यामुळे ती सोशल मीडियावर स्टँड-अप कॉमेडी व्हिडिओ बनवते. तिच्या इंस्टाग्रामवर तिचे फनी रील्स आणि शॉर्ट व्हिडिओज पाहायला मिळतात.

अभिनेत्रीने लग्नानंतर स्वतःमध्ये मोठा बदल केला आहे. तिने बोटॉक्स ट्रीटमेंट घेतल्याचं समजतं आणि त्यामुळे तिचं चेहऱ्याचं रूप पूर्णपणे बदललं आहे. जुन्या “शिरीन”च्या तुलनेत ती आज अगदी वेगळी दिसते. सध्या सुरभी सौरभ वंजारा मुंबईतच आपल्या कुटुंबासोबत स्थायिक आहे. ती अधूनमधून सोशल मीडियावर अॅक्टिव्ह असते. तिच्या पोस्ट्समध्ये तिचं खुशाल आयुष्य, तिचं विनोदी रूप आणि तिचं बदललेलं व्यक्तिमत्त्व पाहायला मिळतं.