शुभमंगल सावधान! घोड्यावरुन एन्ट्री करत सूरज चव्हाण अडकला विवाहबंधनात, पहिला VIDEO समोर

Last Updated:

Suraj Chavan Wedding : 'झापुक झुपूक' फेम सूरज चव्हाण अखेर विवाहबंधनात अडकला आहे. सूरज आणि संजना यांच्या लग्नाचा पहिला फोटो, व्हिडीओ समोर आला आहे.

News18
News18
Suraj Chavan Wedding : 'बिग बॉस मराठी'च्या पाचव्या पर्वाचा विजेता सूरज चव्हाण अखेर विवाहबंधनात अडकला आहे. पुण्यातील सासवड याठिकाणी सूरज आणि संजना यांचा लग्नसोहळा पार पडला आहे. राजकीय मान्यवर आणि मनोरंजनसृष्टीतील अनेक सेलिब्रिटी सूरजच्या लग्नाला उपस्थित होते. 'बिग बॉस मराठी'च्या पाचव्या पर्वाचा विजेता झाल्यानंतर सूरज चव्हाणची क्रेझ संपूर्ण महाराष्ट्रभर चांगलीच वाढली. त्याच्या लग्नाची सर्वांना उत्सुकता होती. सूरज कधी आणि कोणासोबत लग्न करतोय हे जाणून घेण्यास संपूर्ण महाराष्ट्र उत्सुक होता. अखेर 'गुलिगत किंग' सूरजने एखाद्या बॉलिवूड सेलिब्रिटीला लाजवेल अशा थाटात 'झापुक झुपूक' ग्रँड वेडिंग केलं आहे. सूरज चव्हाण आणि संजना यांनी आज 29 नोव्हेंबर 2025 रोजी पुण्याजवळील सासवडमध्ये धुमधडाक्यात लग्न केलं आहे. सूरज चव्हाण आणि संजना यांच्या लग्नाचे फोटो आणि व्हिडीओ सोशल मीडियावर व्हायरल होत आहेत. चाहते त्यांच्या लाडक्या 'गुलिगत किंग'वर अभिनंदनाचा वर्षाव करत आहेत. सूरजच्या लग्नात तब्बल 25 बॉडीगार्ड होते. लोकांना सांभाळण्यासाठी या सिक्युरिटीचा भव्य बंदोबस्त करण्यात आला होता. प्रत्येक बॉडीगार्डला ठराविक झोन, प्रवेशद्वार आणि व्हिआयपी मूव्हमेंट सांभाळण्याची जबाबदारी देण्यात आली होती.
सूरज चव्हाणने 2 कोटी रुपयांच्या लग्झरी गाडीतून लग्नमंडपात एन्ट्री घेतली होती. DJ च्या तालावर नाचत घोड्यावरुन त्याने भर मंडपात एन्ट्री घेतली. 'बिग बॉस मराठी'च्या घरात आणि बाहेर पडल्यानंतरही 'कोकण हार्टेड गर्ल' अंकिता वालावलकरला सूरज चव्हाण आपली बहिण मानत होता. सूरजच्या लग्नाची खास शॉपिंकदेखील तिने करुन दिली होती. पण सूरजच्या लग्नाला मात्र अंकिता वालावलकर काही कारणाने उपस्थित नव्हती. त्यामुळे 'किलर गर्ल' जान्हवी किल्लेकर सूरजची करवली म्हणून लग्नात मिरवताना दिसून आली. सूरजच्या लग्नात जान्हवीतील जान्हवीच्या सर्व लूकने मात्र सर्वांचं लक्ष वेधून घेतलं.
advertisement
advertisement
सूरज चव्हाण आणि संजना यांच्या लगीनघाईला काही दिवसांपूर्वी सुरुवात झाली होती. त्याचा घाणा भरण्याचा कार्यक्रमही दणक्यात पार पडला होता. सूरजची बायको अर्थात संजनाच्या हातावरील मेहंदीने सर्वांचं लक्ष वेधून घेतलं होतं. तिने आपल्या मेहंदीत 'झापुक झुपूक' हा डायलॉग लिहिला होता. सूरजने आपल्या हातावर छोटी मेहंदी काढली होती. त्यांच्या हळदी समारंभाचे फोटोही सोशल मीडियावर व्हायरल झाले होते. यातील संजनाच्या डान्सने मात्र चाहत्यांना थक्क केलं. एखाद्या मोठ्या इव्हेंटप्रमाणे सूरजचा लग्नसोहळा पार पडला आहे. आता लग्नानंतर सूरज आपल्या नव्या घरात राहायला जाणार आहे. तर बायकोसोबत हनिमूनला महाबळेश्वरला जाणार आहे.
advertisement
'अशी' आहे सूरज चव्हाणची 'प्यारवाली लव्हस्टोरी' (Suraj Chavan Lovestory)
सूरज चव्हाणचं अरेंज मॅरेज नसून लव्हमॅरेज आहे. सूरजची बायको अर्थात संजना ही त्याच्या चुलत मामाची मुलगी आहे. त्यामुळे दोघे एकमेकांना लहानपणापासून ओळखतात. लहाणपणी एकमेकांसोबत खेळताना त्यांची चांगली मैत्री झाली. पुढे या मैत्रीचं रुपांतर प्रेमात झालं आणि दोघांच्याही घरून लग्नासाठी संमती मिळाली आणि त्यांनी लग्न करण्याचा निर्णय घेतला. विशेष म्हणजे सूरजने आजपर्यंत संजनाला प्रपोज केलेलं नाही. नकळत त्यांचे सूर जुळले.
view comments
मराठी बातम्या/मनोरंजन/
शुभमंगल सावधान! घोड्यावरुन एन्ट्री करत सूरज चव्हाण अडकला विवाहबंधनात, पहिला VIDEO समोर
Next Article
advertisement
Supreme Court On Local Body Election : आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्वाचे आदेश...
आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व
  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

View All
advertisement