सूरज चव्हाणची घोड्यावरून एन्ट्री, वरातीत 'किलर गर्ल' दणकून नाचली; VIDEO व्हायरल
- Published by:Minal Gurav
Last Updated:
Suraj Chavan : सूरजचे लग्नाआधीचे विधी धुमधडाक्यात पार पडले.पायापडणीच्या कार्यक्रमाला सूरज चव्हाणची घोड्यावरून वरात काढली होती. त्याचा व्हिडीओ सोशल मीडियावर व्हायरल होतोय.
रील स्टार आणि बिग बॉस मराठी सीझन 5 चा विजेता सूरज चव्हाण त्याच्या नव्या आयुष्याची सुरुवात करत आहे. सूरज चव्हाणचं लग्न होणार असून लग्नाआधीच्या सगळ्या विधी मोठ्या धुमधडाक्यात पार पडल्या आहेत. 29 नोव्हेंबरला सूरज चव्हाणचा लग्नसोहळा पार पडतोय. या लग्नाला अनेक कलाकार मंडळी आणि बिग बॉस मराठीची संपूर्ण टीम हजेरी लावणार आहे. सूरजच्या लग्नाआधीच्या सगळ्या विधी पार पडल्या. त्याच्या पायपडणीचा व्हिडीओ सोशल मीडियावर चांगलाच व्हायरल झाला आहे.
लग्नाआधी देवाच्या पायापडणीचा कार्यक्रम होता. नवऱ्याची घोड्यावरून वरात काढली जाते. सूरजची देखील संपूर्ण गावातून घोड्यावरून वरात काढली होती. वरातीत डीजे लावण्यात आला. सूरजच्या पायापडणीच्या कार्यक्रमाला अभिनेत्री जान्हवी किल्लेकर आणि डीपी दादा यांनी हजेरी लावली होती. दोघांनी सूरज चव्हाणबरोबर डान्स देखील केला.
सूरज चव्हाण याचा भव्य पायापडणी सोहळ्याचा व्हिडीओ सोशल मीडियावर व्हायरल होतोय. सूरजला खांद्यावरून त्याच्या आईमरी मातेच्या मंदिरात गेला होता. आई मरीमाता तुझ्या लेकाच्या लग्नाला ये असं म्हणत सूरजने आईमरीमातेला लग्नाचं आमंत्रण दिलं.
advertisement
सूरज चव्हाण त्याच्या मामाची मुलीसोबत लग्न करतोय. संजना गोफणे असं त्याच्या होणाऱ्या बायकोचं नाव आहे. सूरजच्या होणाऱ्या बायकोचा मेहंदी आणि घाणा भरण्याचा कार्यक्रम देखील मोठ्या थाटात पार पडला. संजनाने सूरजच्या नावाची झापुक झुपूक मेहंदी काढली होती.
advertisement
सूरज चव्हाणचं लग्न होण्याआधी त्याचं घरी देखील बनून तयार झालं आहे. उपमुख्यमंत्री अजित पवार यांनी सूरजला घर बांधून दिलं. लग्नाच्या काही दिवस आधीच सूरजने त्याच्या नव्या घरात गृहप्रवेश केला. सूरजच्या आलिशान घराचे व्हिडीओ सोशल मीडियावर व्हायरल होत आहे.
advertisement
सूरज चव्हाणच्या लग्नाला आता काही तास उरले आहेत. त्याचं लग्न मोठ्या धुमधडाक्यात पार पडणार आहे. उपमुख्यमंत्री अजित पवारांपासून, अभिनेते अशोक सराफ, रितेश देशमुख आणि बिग बॉसचे सगळे स्पर्धक सूरजच्या लग्नाला हजेरी लावणार आहेत.
view commentsLocation :
Mumbai,Maharashtra
First Published :
November 29, 2025 8:17 AM IST
मराठी बातम्या/मनोरंजन/
सूरज चव्हाणची घोड्यावरून एन्ट्री, वरातीत 'किलर गर्ल' दणकून नाचली; VIDEO व्हायरल
