Gangaram Gawankar Death : मालवणी नाटककार हरपला! 'वस्त्रहरण'चे लेखक गंगाराम गवाणकर यांचं निधन

'वस्त्रहरण' या प्रसिद्ध मालवणी नाटकाचे लेखक, मराठी रंगभूमीवरील मालवणी नाटककार, रंगभूमीवरचं तेजस्वी नाव ज्येष्ठ नाटककार गंगाराम गवाणकर यांचं निधन झालं.  दहिसर येथील खासगी रुग्णालयात वयाच्या 86व्या वर्षी त्यांनी अखेरचा श्वास घेतला. गेल्या काही महिन्यांपासून त्यांची प्रकृती सीरियस होती. सोमवार रात्री त्यांची आजाराशी झुंज अपयशी ठरली. 'वेडी माणसं' हे त्यांचं पहिलं नाटक होतं.  त्यानंतर 'दोघी', 'वर भेटू नका', 'वरपरीक्षा' अशी अनेक गाजलेली नाटके त्यांनी लिहिली. त्यांच्या लेखनात विनोद, व्यंग आणि वास्तव यांचा सुंदर मिलाफ दिसतो. कोकणातील बोलीभाषेला कलात्मक रूप देऊन तिला मुख्य प्रवाहात आणण्याचं श्रेय गवाणकर यांना जातं.