Pediatric Hypertension: अखेरीस भीती खरी ठरली, लहान मुलांनाही होऊ लागलाय हाय ब्लडप्रेशरचा त्रास

मुंबई : पूर्वी असं म्हटलं जायचं की वयाची साठी जवळ आली की, ब्लडप्रेशर, डायबिटीस अशा आजारपणांना सुरूवात होते. मात्र सध्याच्या धकाधकीच्या जीवनात, मानसिक ताणतणाव आणि जंक फूडच्या अतिसेवनामुळे ब्लडप्रेशर, डायबिटीस  हे त्रास आता मध्यमवयीन युवकच नाही तर तरूणांनाही होवू लागलेत. त्यात कहर म्हणजे, किशोरवयीन मुलांनाही हाय ब्लडप्रेशरचा त्रास जाणवू लागलाय. काही दिवसांपूर्वी अहमदाबादमध्ये एका शाळकरी मुलीचा हार्ट ॲटॅकने मृत्यू झाला होता. त्यामुळे आता लहान मुलांना देखील हाय ब्लडप्रेशरचा त्रास असल्याचं दिसून येतं. याच हायब्लडप्रेशरच्या त्रासामुळे चिमुरड्यांना आता त्यांच्या आरोग्याची काळजी घ्यावी लागणार आहे. मात्र प्रश्न असा पडतो की, लहान मुलांमध्ये उच्च रक्तदाबाची समस्या का वाढते ? त्याची लक्षणं नेमकी काय जाणून घेऊयात तज्ज्ञांकडून.