सतत पोट दुखतंय, 'हा' गंभीर आजार तर झाला नाही ना? डाॅक्टरांनी सांगितली लक्षणं अन् उपचार!

डॉ. धीरज राज यांच्या मते, अपेंडिक्सच्या वेदनांमुळे सहसा पोटाच्या उजव्या बाजूला तीव्र वेदना होतात. यासोबतच उलट्या, भूक न लागणे आणि सौम्य ताप ही त्याची मुख्य लक्षणे आहेत. त्यांनी सांगितले की, अपेंडिक्स आपल्या लहान आणि मोठ्या आतड्याच्या मध्ये असते. जेव्हा ते सुजते, तेव्हा त्याला अपेंडिक्स म्हणतात. ज्या लोकांचा आहार योग्य नाही आणि जे जास्त जंक फूड खातात, त्यांना हा त्रास जास्त होतो. याशिवाय, कमी फायबरयुक्त अन्न आणि पुरेसे पाणी न प्यायल्यानेही हा आजार होऊ शकतो.

अल्मोडा जिल्हा रुग्णालयात दररोज सुमारे 100 रुग्ण ओपीडीमध्ये भेट देतात, त्यापैकी सुमारे 15 रुग्णांमध्ये अपेंडिक्सची लक्षणे दिसतात. वेदनांची प्राथमिक तपासणी केल्यानंतर अँटिबायोटिक्सने बरे होण्याची शक्यता असल्यास, प्रथम औषधे दिली जातात आणि आहारातील सावधगिरीचा सल्ला दिला जातो. मात्र, परिस्थिती गंभीर झाल्यास आणि औषधांनी आराम न मिळाल्यास शेवटी शस्त्रक्रिया हाच पर्याय उरतो.