Monoosn Heath Care: पावसाळ्यात ‘फूट अल्सर’चा धोका, दूर्लक्ष नको, अशी घ्या काळजी!
- Published by:Shankar Pawar
- Reported by:Bhavna Arvind Kamble
Last Updated:
Health Care: पावसाळ्यात विविध आजारांचा धोका वाढतो. फूट अल्सरसारख्या धोकादायक आजारापासून बचावासाठी योग्य ती काळजी घेण्याची गरज असते.
मुंबई: पावसाळा आला की विविध आजारांचा धोका वाढतो. या काळात त्वचेचे आजार, फंगल इन्फेक्शन आणि फूट अल्सर यांचा त्रास जाणवतो. ओले-दमट हवामान, साचलेले पाणी आणि अस्वच्छता या गोष्टी फूट अल्सरसाठी कारणीभूत ठरतात. विशेषतः मधुमेह असणाऱ्यांना ही समस्या अधिक गंभीर ठरू शकते. याचबाबत लोकल18 च्या माध्यमातून जाणून घेऊ.
फूट अल्सर म्हणजे काय?
फूट अल्सर म्हणजे पायाच्या त्वचेमध्ये होणारी खोलवर जखम. अनेकदा ती दिसायला छोटी वाटते, पण योग्य काळजी न घेतल्यास ती संसर्गाचे रूप घेते. पायाला सूज येणे, पू साचणे, वास येणे आणि चालायला त्रास होणे ही याची मुख्य लक्षणं आहेत.
advertisement
तज्ज्ञांनी दिलेल्या माहितीनुसार, पावसाळा सुरू झाल्यापासून फूट अल्सरच्या रुग्णांची संख्या 25 टक्क्यांनी वाढली आहे. यामध्ये बऱ्याच रुग्णांना मधुमेह असल्याचे निदर्शनास आले आहे. वेळेवर उपचार न घेतल्यास ही समस्या शस्त्रक्रियेपर्यंत जाऊ शकते.
फूट अल्सरपासून आवश्यक उपाय
- पावसाळ्यात ओले शूज, सॉक्स टाळा. पाय नेहमी कोरडे ठेवा.
- दररोज पाय धुऊन सुकवून त्यावर अँटीफंगल पावडर वापरा.
- मधुमेही रुग्णांनी दररोज पाय तपासावेत.
- कोणतीही जखम, चट्टा, खवखव दिसल्यास त्वरित डॉक्टरांशी संपर्क साधावा.
- घराबाहेर पडताना बंद पादत्राण वापरा, पाय थेट पाण्यात जाणार नाही याची काळजी घ्या.
advertisement
तज्ज्ञांचा सल्ला:
पायाकडे दुर्लक्ष करून चालणार नाही. पायाला झालेली लहानशी जखमही मोठ्या त्रासाचं कारण बनू शकते. पावसाळ्यातील दमट हवामान फूट अल्सरसारख्या समस्यांना आमंत्रण देतं. योग्य स्वच्छता, नियमित तपासणी आणि वेळीच उपचार हेच यावर उपाय आहेत. त्यामुळे स्वतःच्या पायांची काळजी घ्या आणि फूट अल्सरचा धोका टाळा.
Location :
Mumbai,Maharashtra
First Published :
June 20, 2025 9:49 AM IST
मराठी बातम्या/हेल्थ/
Monoosn Heath Care: पावसाळ्यात ‘फूट अल्सर’चा धोका, दूर्लक्ष नको, अशी घ्या काळजी!
