Curd Benefits : दह्यात साखर घालावी की मीठ घालावं? आरोग्यासाठी सर्वाधिक फायदेशीर काय?

आयुर्वेदानुसार, मीठ घालून दही खाल्ल्यास भूक वाढते, पचनक्रिया सुधारते, पोटाच्या समस्या कमी होतात. परंतु हे मीठ कमीच असायला हवं. तसंच उन्हाळ्यात सैंधव मीठ घातलेलं दही खाल्ल्यानं शरीर थंड राहतं, शरीरातील पाण्याचं प्रमाणही व्यवस्थित राहतं. तर, दह्यात साखर घालून खाल्ल्यास ते लवकर पचतं, परंतु रक्तातील साखरही जलद वाढते. त्यामुळे मधुमेहाच्या रुग्णांनी अजिबात साखर घालून दही खाऊ नये. त्यामुळे वजन वाढू शकतं, तसंच इतरही समस्या उद्भवू शकतात. उन्हाळ्यात आपण गूळ किंवा मध घालून दही खाऊ शकता. परंतु जास्त गोड पदार्थ खाल्ल्यानं कफ होऊ शकतो, तसंच याचा पचनक्रियेवरही वाईट परिणाम होतो.

डॉक्टर म्हणाले की, आरोग्याची काळजी घ्यायची असेल तर दही नैसर्गित स्वरूपातच खावं. चवीसाठी मीठाऐवजी सैंधव मीठ किंवा काळं मीठ वापरावं. जर गोड आवडत असेल तर साखरेऐवजी मध, गूळ किंवा ताजी फळं घालून दही खावं. यामुळे दह्यातील सर्व पौष्टिक तत्त्व मिळतात आणि आरोग्य उत्तम राहतं.