उन्हाळ्यात डोळ्यांना त्रास होतोय? ही चूक अजिबात करू नका! Video

ऍलर्जी कंजेक्टीवायसिस हे वेगवेगळ्या प्रकारचे असतात. त्याचे ट्रीटमेंट्स सुद्धा वेगवेगळ्या असतात. अनेकजण आपल्या मनाने ड्रॉप टाकतात. ते स्टिरॉइड ड्रॉप असतात. त्याने तात्पुरता आराम मिळतो. मात्र अशाप्रकारे सतत वर्षानुवर्षं हे ड्रॉप्स वापरल्याने किंबहुना असे केल्याने डोळ्यांना काचबिंदू किंवा मोतीबिंदू होण्याची शक्यता वाढते. त्यामुळे जर डॉक्टरांच्या सल्ल्यानुसार औषध घेतलं तर डॉक्टर त्यावर योग्य ट्रीटमेंट देतील आणि डोळ्यांची हानी होणार नाही, असे डॉ. शिंदे सांगतात.

अनेकदा उन्हाळ्यात आपल्या डोळ्याला आग झाल्यासारखं किंवा डोळे जळल्यासारखं होतं. डोळ्यातून गरम वाफा निघल्यासारखं वाटतं. अशावेळी आपण घरगुती उपाय म्हणून फक्त डोळ्यावर स्वछ, थंड पाणी मारायचं. या कारणासाठी ड्रॉप टाकायची गरज नाही. डोळ्यांना आराम मिळावा म्हणून बाहेर निघताना चांगले गॉगल्स वापरणे अत्यंत महत्त्वाचं आहे. गॉगलमुळे डोळ्याला सूर्याचे किरण डायरेक्ट लागणार नाही आणि कुठलाही कचरा डोळ्यात जाणार नाही. त्यामुळे डोळे सुरक्षित राहण्यास मदत होईल. तर सगळे उपाय केल्यानंतर जर डोळे त्रास देत असतील तर आपल्या मनाने ड्रॉप खरेदी न करता डॉक्टरांच्या सल्ल्यानुसार वापरावा, असाल सल्ला डॉक्टर देतात.