Kitchen Jugaad Video : चमत्कारिक पाणी, यात देवपूजेची भांडी ठेवताच चकाचक होतील, घासायची गरजच नाही

तांबे, पितळ यांची भांडी घासण्यासाठी अधिकच मेहनत घ्यावी लागते. कारण स्टिल, काचेप्रमाणे ती लगेच स्वच्छ होत नाहीत.  साध्या भांड्याच्या साबणाने  ती स्वच्छ होत नाही. त्यासाठी बरेच लोक पितांबरी वापरतात. काही लोक लिंब, चिंचेने ही भांडी घासतात. पण तरी ही भांडी स्वच्छ करण्यासाठी ती घासावी लागतातच. तरीसुद्धा त्यावर टाक राहतात. पण एक चमत्कारिक पाणी ज्याने ही भांडी न घासता स्वच्छ होतील. आश्चर्य म्हणजे हे पाणी तुम्ही घरीच बनवू शकता.

आता हे पाणी बनवायचं कसं हे पाहण्याची उत्सुकता तुम्हाला असेल. याचा संपूर्ण व्हिडीओ आपण पाहुयात. व्हिडीओत दाखवल्यानुसार हे चमत्कारिक पाणी बनवण्यासाठी एका भांड्यात एक चमचा मीठ घ्या, त्यात एक चमचा सायट्रिक असिड ज्याला निंबूसत्व असंही म्हणतात ते टाका. आता यात ग्लासभर पाणी टाका आणि मिश्रण नीट ढवळा. या पाण्यात तांब्यापितळेची भांडी बुडवा, पाहा तुम्हाला लगेचच ती स्वच्छ झालेली दिसतील.

@BtoAKitchen युट्युब चॅनेलवर हा व्हिडीओ पोस्ट करण्यात आला आहे. व्हिडीतील दाव्याची न्यूज18ने पडताळणी केलेली नाही. त्यामुळे तुम्ही हा जुगाड करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की द्या. तसंच तुम्ही तांब्यापितळेची भांडी कशी स्वच्छ करता, तुम्ही काय जुगाड करता तेसुद्धा सांगा.