Men's Health : साखरेचा पुरुषांच्या या महत्त्वाच्या हार्मोनवर होतो परिणाम; आरोग्यासाठी ठरू शकते घातक

इंडियन एक्सप्रेसच्या बातमीत, स्त्रीरोगतज्ञ डॉ. सुरभी सिद्धार्थ सांगतात की, टेस्टोस्टेरॉन हे पुरुषांसाठी अत्यंत महत्त्वाचे हार्मोन आहे. हे पुरुषांमधील पुनरुत्पादक अवयवांच्या पेशींच्या विकासामध्ये भाग घेते आणि स्नायूंचे प्रमाण वाढवते. याशिवाय, हाडांच्या मजबूतीसाठी आणि हाडांच्या घनतेसाठीही टेस्टोस्टेरॉन खूप महत्वाचे आहे. टेस्टोस्टेरॉनची पातळी कमी झाल्यास हाडांमध्ये तीव्र कमकुवतपणा येऊ शकतो. रिप्रॉडक्टिव्ह मेडिसिनच्या डॉ. भावना बंगा यांनी सांगितले की, टेस्टोस्टेरॉन हार्मोनमध्ये काही घट झाल्यास त्याचा थेट परिणाम पुरुषांच्या प्रजनन क्षमतेवर होतो. पण आता खरंच साखर दोन तास टेस्टोस्टेरॉन हार्मोन कमी करते का, असा प्रश्न पडतो.

याचे अनेक पुरावे असल्याचे डॉ. बंगा यांनी सांगितले. याचा परिणाम टेस्टोस्टेरॉन हार्मोनवरही होतो. परंतु ते केवळ टेस्टोस्टेरॉन संप्रेरक कमी करेल की दोन तासांसाठी टेस्टोस्टेरॉन हार्मोनची पातळी 25 टक्क्यांनी कमी करेल हे सांगणे अवघड आहे. कारण यावर अजून संशोधनाची गरज आहे. त्यांनी सांगितले की जेव्हा आपण जास्त साखर खातो तेव्हा त्याचा सर्व प्रकारच्या हार्मोन्सवर परिणाम होतो. खरं तर, जर्नल ऑफ क्लिनिकल एंडोक्राइनोलॉजीमध्ये 2016 च्या संशोधनात असे आढळले की, 75 ग्रॅम साखर खाल्ल्याने टेस्टोस्टेरॉन हार्मोन दोन तास कमी होतो. मात्र, या अभ्यासात केवळ 74 पुरुषांचा समावेश होता. त्यामुळे यावर अधिक संशोधन करण्याची गरज आहे.

डॉक्टरांच्या मते, जेव्हा तुम्ही जास्त साखर खाता तेव्हा इन्सुलिन रेझिस्टन्सचा धोका वाढतो. जास्त साखर खाल्ल्याने जास्त कॅलरीज तयार होतील, ज्या खर्च केल्या नाहीत तर फॅटमध्ये रुपांतरित होतील आणि ही फॅट फॅटच्या रूपात शरीरात जमा होऊ लागते. जेव्हा शरीरात अतिरिक्त चरबी जमा होऊ लागते तेव्हा ते टेस्टोस्टेरॉनची पातळी देखील कमी करते. इतकेच नाही तर जास्त साखर शरीरात जळजळ वाढवते. याचा परिणाम हार्मोन्सवरही होतो.