Diabetes reasons: फक्त साखरेमुळे नाही तर ‘या’ कारणांमुळे सुद्धा वाढतो डायबिटीस, ‘अशी’ घ्या तुमच्या आरोग्याची काळजी

मुंबई : मधुमेह म्हणजेच डायबिटीस. गेल्या काही वर्षापर्यंत अनुवंशिक आजार म्हणून हा रोग ओळखला जायचा. मात्र आता या आजाराचं रूपांतर लाईफस्टाईल डिसीजमध्ये झालं असून या आजाराने अनेकांना मगरमिठी मारली आहे. असं म्हणतात की डायबिटीसची गोळी एकदा सुरू झाली की ती मरेपर्यंत घ्यावी लागते. गेल्या  वर्षात झपाट्याने वाढणारा आजार म्हणजे डायबिटीस, असं डायबिटीस किंवा मधुमेहाचं वर्णन केलं गेलं तर ते चुकीचं नाही ठरणार. गेल्या अनेक वर्षापासून अनेकांच्या तोंडून आपण ऐकत आलो आहोत की, गोड खाल्ल्याने डायबिटीस होतो. मात्र डायबिटीस होण्यासाठी फक्त गोड खाणं हे एकमेव कारण नाहीये. बदलती जीवनशैली, सततचा ताण तणाव, वेळी अवेळी, झोपणं, व्यायाम न करणं, जंकफूडचं अतीसेवन हे सुद्धा डायबिटीसचं कारण ठरू शकतं. त्यामुळे तुम्हालाही डायबिटीसची लागण होणं टाळायचं असेल, तर तुम्हाला तुमच्या जीवनशैलीत काही बदल करावे लागणार आहेत.