Skin Care : चेहऱ्यावरचे मुरुम फोडताय ? आधी ही माहिती वाचा, सवय ठरु शकते त्वचेसाठी घातक

चेहऱ्यावर कधी मुरुम आला, तर तो फोडण्याची कितीही इच्छा झाली तरी, तो फोडण्याची चूक करू नका. मुरुम फोडण्याची सवय त्वचेसाठी धोकादायक ठरू शकते.

संसर्गाचा धोका वाढतो - मुरुम फोडल्यामुळे त्वचेवर जखम होते. आपल्या हातांवर आणि नखांवर असंख्य जीवाणू असतात. एकदा का मुरुम फुटला की, हे जीवाणू त्या उघड्या छिद्रातून त्वचेत प्रवेश करू शकतात. यामुळे मुरुमाच्या जागी संसर्ग होण्याचा धोका वाढतो, ज्यामुळे अधिक वेदना आणि पू होऊ शकतो.

सर्वात महत्त्वाची गोष्ट म्हणजे, अनेक मुरुम त्वचेच्या पृष्ठभागावर नसून खोलवर असतात. त्यांना दाबल्यामुळे ते बाहेर येण्याऐवजी आतच राहू शकतात, ज्यामुळे त्वचेचं नुकसान होतं आणि पुढे त्याचे खोल खड्डे किंवा काळे डाग बनू शकतात.

मुरुम फोडणं त्या क्षणी योग्य वाटू शकतं, पण त्याचे परिणाम चेहऱ्यावर दिसू शकतात. त्यामुळे, मुरुमांची समस्या गंभीर असेल, तर स्वतःहून त्यावर उपचार करण्याचा प्रयत्न करण्याऐवजी तज्ज्ञांचा सल्ला घेणं योग्य आहे.