Trending:

Kids Gym Age Limit : मुलांसाठी जिमला जाण्याचं योग्य वय कोणतं? 'या' गोष्टी माहित हव्या, नाहीतर होऊ शकतं नुकसान

Published by:Pooja Jagtap

Last Updated:Jan 30, 2026 3:20 PM IST

Best age to start gym for kids : योग्य वयात स्नायू झपाट्याने विकसित होतात. हाडांच्या ग्रोथ प्लेट्स स्थिर होऊ लागतात. शरीर व्यायामामुळे येणारा ताण सहन करण्यास तयार असते. योग्य पद्धतीने ट्रेनिंग केल्यास दुखापतीचा धोका कमी असतो.

इम्पॅक्ट शॉटतुमचा गेटवे लेटेस्ट न्यूज

मुंबई : तसं पाहिलं तर जिमला जाण्याची कोणतीही फिक्स वयमर्यादा नसते, पण फिटनेस तज्ज्ञांच्या मते 16-17 वर्षांचे वय जिम सुरू करण्यासाठी सर्वात योग्य मानले जाते. या वयापर्यंत शरीराचे स्नायू, हाडे आणि हार्मोनल सिस्टीम बऱ्यापैकी विकसित झालेली असते. 14-15 वर्षांच्या वयातही हलकी-फुलकी ट्रेनिंग करता येते, पण या वयात हेवी वेट अजिबात उचलू नये.

16-17 वर्षे हेच योग्य वय का आहे?

या वयात स्नायू झपाट्याने विकसित होतात. हाडांच्या ग्रोथ प्लेट्स स्थिर होऊ लागतात. शरीर व्यायामामुळे येणारा ताण सहन करण्यास तयार असते. योग्य पद्धतीने ट्रेनिंग केल्यास दुखापतीचा धोका कमी असतो.

मूल 14-15 वर्षांचे असेल आणि जिमला जायचे असेल, तर त्याला फक्त कार्डिओ, बॉडीवेट एक्सरसाइज आणि हलके मशीन वर्कआउट यांचीच परवानगी असावी.

जिम सुरू करण्यापूर्वी या गोष्टी महत्त्वाच्या

- मेडिकल चेकअप करून घ्या. जर कोणताही जुना आजार, दमा, बीपी, हृदयाशी संबंधित समस्या किंवा दुखापतीचा इतिहास असेल, तर डॉक्टरांचा सल्ला नक्की घ्या.

- ट्रेनरचे मार्गदर्शन आवश्यक आहे. सुरुवातीला फिटनेस ट्रेनरच्या देखरेखीखालीच व्यायाम शिकावा. चुकीच्या फॉर्ममुळे दुखापत, मसल स्ट्रेन आणि पाठदुखीसारख्या समस्या लवकर उद्भवू शकतात.

- हळूहळू वजन वाढवा. सर्वप्रथम हलक्या वजनापासून सुरुवात करा. घाईघाईने हेवी वेट उचलण्याचा प्रयत्न करू नका. दर आठवड्याला थोडे-थोडे वजन वाढवा.

- वॉर्म-अप आणि कूल-डाउन टाळू नका. 5 ते 10 मिनिटे हलका वॉर्म-अप आणि 5 मिनिटांचा कूल-डाउन हे स्नायूंना दुखापतीपासून वाचवतात.

- आहाराकडे लक्ष द्या. जिममधील मेहनतीसोबत योग्य पोषण अत्यंत आवश्यक आहे. प्रोटीन, कार्बोहायड्रेट, पुरेसे पाणी, फळे-भाज्या शरीराची रिकव्हरी वेगाने होण्यास मदत करतात.

- पुरेशी झोप महत्त्वाची. वर्कआउटपेक्षा जास्त मसल ग्रोथ झोप आणि विश्रांतीदरम्यान होते. रोज 7-8 तासांची झोप घ्या.

- मुलांना सांगा, स्वतःची तुलना इतरांशी करू नका. सोशल मीडियावर पाहून जड वजन उचलण्याचा प्रयत्न करू नका. प्रत्येक शरीर आपापल्या क्षमतेनुसार प्रगती करते.

जिम सुरू करण्यासाठी 16 ते 17 वर्षांचे वय योग्य आहे, पण योग्य फॉर्म, हलका व्यायाम आणि ट्रेनरची देखरेख असेल तर कमी वयातही बेसिक फिटनेसची सुरुवात करता येते. जिमला जाण्यापूर्वी योग्य काळजी घ्या. म्हणजे आरोग्य आणि फिटनेस दोन्ही सुरक्षित राहतील.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.

view comments

Location :

Mumbai,Maharashtra

First Published :

Jan 30, 2026 2:56 PM IST

Kids Gym Age Limit : मुलांसाठी जिमला जाण्याचं योग्य वय कोणतं? 'या' गोष्टी माहित हव्या, नाहीतर होऊ शकतं नुकसान