प्रत्येक ठिकाणी वेळेत जाणारे दादा आज चुकीच्या.., अजित पवारांच्या जवळच्या सहकाऱ्याची मन सुन्न करणारी पोस्ट

आमदार जितेंद्र आव्हाड यांनी आपल्या 'एक्स' या सोशल मीडिया प्लॅटफॉर्मवर लिहिले आहे की, ''महाराष्ट्राच्या राजकारणात आता दादा नसतील ही जाणीवच अंगावर काटा आणणारी आहे. कामाचा प्रचंड आवाका आणि उरक असणारा हा लोकप्रिय लोकनेता नियतीने आज आपल्यापासून हिरावला.प्रत्येक ठिकाणी वेळेत जाणारे दादा आज चुकीच्या वेळी गेले…! अधिक लिहवत नाही.शब्द अपुरे आहेत आणि भावना गोठल्या आहेत.पवार कुटुंबियांच्या या दुःखद प्रसंगात आम्ही सहभागी आहोत. असं त्यांनी म्हंटलं आहे.

विमान बारामती परिसरात दाखल झाले तेव्हा परिसरात प्रचंड दाट धुके पसरले होते. धावपट्टी स्पष्टपणे दिसत नसल्यामुळे लँडिंग करणे अत्यंत कठीण बनले होते. विशेष म्हणजे बारामतीसारख्या लहान विमानतळावर इन्स्ट्रुमेंट लँडिंग सिस्टीम (ILS) उपलब्ध नसल्याने पायलटला पूर्णतः दृष्टीआधारित म्हणजेच मॅन्युअल पद्धतीने विमान उतरवावे लागते. मात्र दाट धुक्यामुळे धावपट्टीचा अंदाज येत नसतानाही पायलटने पहिल्यांदा लँडिंगचा प्रयत्न केला.