Ambemohar Rice: ताटातला भात महागला! आंबेमोहरने गाठला उच्चांकी दर, कल्याणमध्ये किती रुपये किलो?

कल्याण : सध्या महाराष्ट्रात गणेशोत्सव सुरू असून सर्वत्र बाप्पाचा जल्लोष सुरू आहे. सध्या बाजारात गणेशोत्सवाशी निगडीत असलेल्या वस्तूंची मागणी मोठ्या प्रमाणात वाढली आहे. गणेशोत्सवात मोदकासाठी वापरल्या जाणाऱ्या आंबेमोहोर तांदळाच्या दराने आजवरचा उच्चांकी दर गाठला आहे. आंबेमोहोर तांदूळ किरकोळ बाजारात 200 रुपये तर घाऊक बाजारात 170 ते 180 रुपये किलो दराने मिळत आहे. गणेशोत्सवाच्या काळात मोदकासाठी आंबेमोहोर तांदळाला मागणी वाढल्यामुळे त्याचा तुटवडा निर्माण झाला आहे. डिसेंबर अखेरीस नवा तांदूळ बाजारात येईपर्यंत दर चढेच राहण्याचा अंदाज व्यापाऱ्यांकडून व्यक्त केला जात आहे.