स्वराज्यरक्षक संभाजी मालिकेचा शेवट दाखवायला शरद पवारांचा दबाव होता? अमोल कोल्हे म्हणाले...

मुंबई : छत्रपती संभाजी महाराजांच्या आयुष्यावर आधारित 'छावा' चित्रपट सध्या मोठ्या पडद्यावर धुमाकूळ घालतोय. चित्रपटाच्या क्लायमॅक्स सीनमुळे प्रेक्षक पाणावलेल्या डोळ्यांनी चित्रपटगृहाबाहेर पडतायत. छावाच्या निमित्तानं अभिनेते डॉ. अमोल कोल्हे यांची 'स्वराज्यरक्षक संभाजी' ही मालिकाही पुन्हा एकदा चर्चेत आलीय. या मालिकेत संभाजी महाराजांच्या छळाचा सीन दाखवण्यात आला नव्हता. त्यामुळे ही मालिका गुंडाळण्यात आली होती का? त्यासाठी कुणाचा दबाव होता का असे प्रश्न उपस्थित केले जाताय. त्यावर अमोल कोल्हे यांनी एका व्हिडिओद्वारे स्पष्टीकरण दिलंय.