Amravati News : रात्री जेवणानंतर चिप्स खाल्ले अन्.. अमरावतीत 2 बहिणींचा एकाचवेळी मृत्यू, नेमकं काय घडलं?

अमरावती जिल्ह्यातील विरुळ रोघें येथे आज पहाटे अन्नातून विषबाधेमुळे 2 मुलींचा मृत्यू झाला. दोघींच्या मृत्यूनंतर गावात आरोग्य विभागाची टीम दाखल झाली आहे. यावेळी शाळा, अंगणवाडीमधील विद्यार्थ्यांची तपासणी करण्यात आली. गावातील पिण्याच्या पाण्याचे देखील नमुने घेण्यात आले. या दोन्ही मुलींनी रात्री घरीच जेवण केल्यानंतर सकाळी चिप्स खाल्ल्याची माहिती आहे. मात्र, अचानक त्यांना उलट्या जुलाब व्हायला लागलं. या दोन्ही मुलींचा मृत्यू झाला असल्याची माहिती धामणगावचे तहसीलदार गोविंद वाकडे यांनी दिली.

धक्कादायक म्हणजे गावात पुरवठा करण्याऱ्या पिण्याच्या पाण्याच्या पाईप लाईन नालीतून असून अनेक ठिकाणी तिला गळती लागल्याचेही समोर आले आहे.