बच्चू कडूंची नाराजी दूर करण्यासाठी मुख्यमंत्री शिंदेंचा कॉल; शरद पवारांना भेटल्यानंतर हालचाली

संजय शेंडे, अमरावती : विधानसभा निवडणुकीच्या पार्श्वभूमीवर राज्यात राजकीय हालचालींना वेग आला आहे. नेत्यांच्या भेटीगाठी होत आहेत. महायुतीच्या नेत्यांच्या बैठका होत आहेत. यातच महाविकास आघाडीच्या नेत्यांकडूनही विधानसभा निवडणुकीसाठी चाचपणी सुरू आहे. दरम्यान, प्रहार संघटनेचे प्रमुख बच्चू कडू यांनी नुकतीच शरद पवार यांची भेट घेतली होती. महायुतीत बच्चू कडू नाराज असल्यानेच त्यांनी भेट घेतली असल्याच्या चर्चा रंगल्या. भेटीनंतरही बच्चू कडू यांनी सरकारला स्पष्ट इशारा दिला होता. आता मुख्यमंत्री एकनाथ शिंदे यांनी थेट बच्चू कडू यांच्याशी फोनवरून संवाद साधला असल्याचं समोर येतंय.