विधानसभेला किती जागा लढणार? मुख्यमंत्र्यांच्या खास मंत्र्याने पहिल्यांदाच सांगितला आकडा

अमरावती : अमरावतीत महायुतीची विभागीय समन्वय बैठक आयोजित करण्यात आली आहे. या बैठकीत उद्योगमंत्री उदय सामंत यांनी महायुतीत शिवसेना किती जागांवर लढणार आहे याबद्दल मोठा खुलासा केला आहे. शिवसेनेचा दुसरा सर्व्हे समोर आल्यानंतर या जागांबाबत चर्चा सुरू झालीय. महायुतीला राज्यात किती जागा मिळतील याचा अंदाज सर्वेक्षणातून समोर आलाय. यानंतर आता अमरावतीच्या मेळाव्यात बोलताना मंत्री उदय सामंत यांनी आम्ही महायुतीत 74 जागा लढणार असून त्यापैकी 65 जागा जिंकणार असल्याचं म्हटलंय. आपण यासाठी काम करायचं असल्याचं उदय सामंत यांनी कार्यकर्त्यांना सांगितलं.

उदय सामंत म्हणाले की, लोकसभेच्या निवडणुकित दोन गोष्टीने आपला घात केला. संविधान बदललं जाईल, मुस्लिमाना देश सोडावा लागेल, पण आपण ते समजावून सांगू शकलो नाही. पण जो पर्यंत चन्द्र सूर्य आहे तो पर्यंत संविधान कायम राहील हे आपण सांगितलं पाहिजे. आपले नेते 18 तास काम काम करत आहेत तर पदाधिकाऱ्यांनी  3 तास काम केलं तर येणाऱ्या निवडणुकीत 200 जागा आपल्या महायुतीच्या येतील असा विश्वास उदय सामंत यांनी व्यक्त केला.