शिंदे साहेबांच्या कार्यकर्त्याकडून धमकी, जिवीताला धोका; बच्चू कडूंच्या पत्राने खळबळ

अमरावती : आमदार बच्चू कडू यांनी आपल्या जिवीताला धोका असल्याची तक्रार पोलिसात दाखल केलीय. बच्चू कडू यांनी पत्राद्वारे पोलिसांना ही माहिती दिली असून आपल्याबाबत अफवा पसरवल्या जात असल्याचंही त्यांनी पत्रात म्हटलंय. आमदार बच्चू कडू यांनी यासंदर्भात जिल्हा ग्रामीण पोलीस अधीक्षकांना पत्र लिहिलं आहे. माझा अपघात झाला म्हणून चौकशीसाठी नागरिकांचे फोन येतायत. अपघात झाल्याच्या अफवा पसरवल्या जात आहेत असंही बच्चू कडू यांनी पोलिसांना सांगितलं. या प्रकरणी चौकशी करून संबंधितांवर कारवाई करावी अशी मागणी बच्चू कडू यांनी केलीय.