Trending:

Chhagan Bhujbal : भुजबळ इज बॅक! देवाभाऊच्या मंत्रिमंडळात कॅबिनेट मंत्रिपद, आज शपथविधी

Published by:Shrikant Bhosale

Last Updated:May 20, 2025 8:14 AM IST

Chhagan Bhujbal : राष्ट्रवादी काँग्रेसचे (अजित पवार गटाचे) ज्येष्ठ नेते छगन भुजबळ आज मंत्रिपदाची शपथ घेणार आहेत. राजभवनात सकाळी 10 वाजता छगन भुजबळ यांचा शपथविधीचा सोहळा पार पडणार आहे.

मुंबई: महाराष्ट्राच्या राजकीय वर्तुळातील मोठी घडामोड आज होणार आहे. राष्ट्रवादी काँग्रेसचे (अजित पवार गटाचे) ज्येष्ठ नेते छगन भुजबळ आज मंत्रिपदाची शपथ घेणार आहेत. राजभवनात सकाळी 10 वाजता छगन भुजबळ यांचा शपथविधीचा सोहळा पार पडणार आहे.

राष्ट्रवादी काँग्रेसचे नेते धनंजय मुंडे यांनी मंत्रि‍पदाचा राजीनामा दिल्यानंतर त्यांच्याकडे असलेल्या खात्याची जबाबदारी आता छगन भुजबळ यांना दिली जाणार असल्याची माहिती आहे. छगन भुजबळ गेल्या अनेक महिन्यांपासून मंत्रिपद न मिळाल्याने नाराज होते. याबाबतची खंत त्यांनी वारंवार बोलून दाखवली होती. अनेकदा भुजबळांनी जाहीर कार्यक्रमांमध्ये याच मुद्द्यावरून नाराजीही उघडपणे बोलून दाखवली होती. मात्र, आता अखेर छगन भुजबळांची पुन्हा एकदा मंत्रिपदी वर्णी लागल्याने भुजबळांची नाराजी दूर झालीये. तसेच भुजबळांची मंत्रिपदी वर्णी लागल्याने भुजबळ समर्थकांमध्ये आनंदाचं वातावरण निर्माण झालंय.

नाशिकमध्ये आणखी एक मंत्रिपद...

नाशिकमध्ये आणखी एक मंत्रिपद भुजबळांच्या माध्यमातून मिळणार आहे. महायुतीच्या पहिल्या मंत्रिमंडळ विस्तारात माणिकराव कोकाटे यांचा समावेश झाला होता. त्यावेळी अजित पवारांनी भुजबळांचे पंख छाटल्याची चर्चा सुरू होती. बीडमधील मस्साजोगचे सरपंच संतोष देशमुख हत्या प्रकरणातील आरोपी वाल्मिक कराड याच्याशी असलेल्या संबंधावरून धनंजय मुंडे यांना मंत्रि‍पदाचा राजीनामा द्यावा लागला. त्यानंतर आता भुजबळांची एन्ट्री होणार आहे.