240 किलोमीटरचा प्रवास होणार सुकर, छ. ‎संभाजीनगर ते पुणे आता विमान सेवा, फ्लाय 91 कंपनीने केली हवाई दलाकडे ही मागणी

छत्रपती संभाजीनगर : छत्रपती संभाजीनगर ते पुणे या दरम्यानचा फक्त 240 किलोमीटरचा प्रवास आहे. पण खडबडीत रस्त्यांमुळे तब्बल 8 ते 9 तासांचा त्रासदायक प्रवास होतो. या परिस्थितीत संभाजीनगरकरांसाठी मोठा दिलासा ठरू शकणारी विमानसेवा सुरू करण्याची तयारी फ्लाय 91 कंपनीने दाखवली आहे. मात्र पुणे विमानतळावरील स्लॉटअभावी ही योजना अडखळलेली असताना, लोहगाव एअरफोर्स स्टेशनकडे दररोज दोन स्लॉट देण्याची अधिकृत मागणी करण्यात आली असून आता या निर्णयाकडे सर्वांचे लक्ष लागले आहे.