CJI Bhushan Gavai: मला प्रोटोकॉलचे कौतुक नाही, आताही नागपूरला दुचाकीवरून फिरतो पण... CJI गवई यांचे खडे बोल

मुंबई : देशाच्या सरन्यायाधीशपदाची सूत्रे स्वीकारल्यानंतर न्यायमुर्ती भूषण गवई पहिल्यांदाच मुंबईच्या दौऱ्यावर होते. मात्र मुंबईत त्यांच्या स्वागताला प्रशासकीय आणि पोलीसप्रमुख नसल्याने त्यांनी जाहीर भाषणात नाराजी व्यक्त करून नोकरशाहीचे कान उपटले. हा माझ्या सन्मानाचा प्रश्न नाही. पण राज्यघटनेच्या एका संस्थेचा प्रमुख जेव्हा एखाद्या राज्यात येत असेल त्यावेळी घटनेच्या दुसऱ्या संस्थेकडून दिलेल्या वागणुकीचा हा प्रश्न आहे, अशा शब्दात न्यायमुर्ती गवई यांनी शिष्टाचारावरून नोकरीशाहीला सुनावले.