राज्य शासनाची सरकारी कर्मचाऱ्यांना गणेशोत्सवाआधी भेट, ५ दिवस आधीच पगार!

परंतु शासन निर्णयातील तरतूद शिथील करुन, दिनांक १ सप्टेंबर २०२५ रोजी देय होणाऱ्या ऑगस्ट, २०२५ या महिन्याच्या वेतनाचे आणि निवृत्तीवेतनाचे / कुटुंब निवृत्तीवेतनाचे प्रदान २६ ऑगस्ट, २०२५ रोजी करण्यास मान्यता देण्यात येत असल्याचे राज्य सरकारकडून सांगण्यात आले. यासाठी मुंबई वित्तीय नियम, १९५९ मधील नियम क्रमांक ७१ च्या तरतुदी तसेच महाराष्ट्र कोषागार नियम, १९६८ च्या खंड १ मधील नियम क्रमांक ३२८ मधील तरतुदी देखील तात्पुरत्या स्वरूपात शिथिल करण्यात येत असल्याचेही राज्य सरकारने स्पष्ट केले.

सदर तरतूदी जिल्हा परिषद, मान्यता प्राप्त आणि अनुदान प्राप्त शैक्षणिक संस्था, अकृषि विद्यापीठे, कृषि विद्यापीठे व त्यांच्या संलग्न अशासकीय महाविद्यालयांचे अधिकारी, कर्मचारी, तसेच निवृत वेतन धारक, कुटुंब निवृत वेतन धारक यांना देखील लागू होतील.

एसटीच्या कर्मचाऱ्यांचे वेतन देखील २६ ऑगस्टला म्हणजेच गणेशोत्सवाच्या पूर्व संध्येला होणार असल्याने एसटी कर्मचाऱ्यांमध्ये आनंदाचे वातावरण आहे.